Y News

நவம்பர் 14 குழந்தைகள் தினம் கொண்டாடப்படும் வகையில் அன்று இரவு 7.30-8.30 வரை ஒரு மணி நேரம் பெற்றோர்கள் தங்கள் கைபேசியை கண் உரங்க வையுங்கள் என பள்ளிக்கல்வித்துறை வேண்டுகோள் விடுத்துள்ளது. கைபேசியை கண் உரங்க வைக்கும் அந்த வேளையில் பெற்றோர்கள் தங்கள் குழந்தைகளோடு செலவழிக்க வேண்டும் எனவும் பள்ளிக்கல்வித்துறை வேண்டுகோள் விடுத்துள்ளது.

ஏர் இந்தியா மீது விருப்பமில்லை, இண்டிகோ மீதே விருப்பம்... 08/11/2019

ஏர் இந்தியா மீது விருப்பமில்லை, இண்டிகோ மீதே விருப்பம்: கத்தார் ஏர்வேஸ்... Nov 07, 2019 ஏர் இந்தியா ((Air India )) நிறுவனத்தின் பங்குகளை வாங்குவதில் விருப்பமில்லை என கத்தார் ஏர்வேஸ் ((Qatar Airways)) தெரிவித்திருக்கிறது. இண்டிகோ ((IndiGo)) நிறுவனத்தின் பங்குகளை வாங்கவே விருப்பம் உள்ளதாகவும், அதற்கு உகந்த தருணம் இதுவல்ல என்றும் கூறியிருக்கிறது. டெல்லி வந்திருந்த கத்தார் ஏர்வேஸ் தலைமைச் செயல் அதிகாரி அக்பர் அல் பாக்கர் ((Akbar Al Baker)), இந்த தகவலை வெளியிட்டிருக்கிறார். பணபலம் படைத்த முதலீட்டாளர்கள் தங்களுக்கு கிடைத்தால், ஏர் இந்தியாவின் பங்குகளை வாங்க, மிகுந்த ஆர்வத்துடன் முயற்சி மேற்கொள்ளப்படும் என்றும் அவர் தெரிவித்திருக்கிறார். ஒருவேளை டாடா நிறுவனம் தங்களுடன் இணைந்து வந்திருந்தால், ஏர் இந்தியாவின் பங்குகளை வாங்க ஆர்வம் இருந்திருக்கும் என்றும், ஆனால், ஏற்கனவே டாடாவிடம் விஸ்தாரா உள்ளதால், அதற்கான சூழல் உருவாகவில்லை, என்றும் கத்தார் ஏர்வேஸ் CEO அக்பர் அல் பாக்கர் ((Akbar Al Baker)) தெரிவித்திருக்கிறார்.

2,000 ரூபாய் நோட்டுகள் பெருமளவில் பதுக்கப்பட்டிருக்கலாம் என்பதால் அதனை செல்லாது என வலியுறுத்தியுள்ளனர்.... 08/11/2019

ரூ.2,000 நோட்டுகளை செல்லாது என அறிவிக்க வலியுறுத்தல்..! Nov 08, 2019 2,000 ரூபாய் நோட்டுகள் பெருமளவில் பதுக்கப்பட்டிருக்கலாம் என்பதால் அதனை செல்லாது என அறிவிக்க வேண்டும் என்று மத்திய பொருளாதார விவகாரத்துறை முன்னாள் செயலர் எஸ்.சி. கார்க் வலியுறுத்தியுள்ளார். 500, 1,000 ரூபாய் ஒழிக்கப்பட்டு மூன்றாண்டுகள் நிறைவடைந்துவிட்டன. பணமதிப்பிழப்பு நடவடிக்கையின்போது விருப்ப ஓய்வில் சென்ற முன்னாள் பொருளாதாரத்துறை செயலர் கார்க், ஒரு கட்டுரை எழுதியுள்ளார். அதில், நாட்டில் 2,000 ரூபாய் நோட்டுகள் தற்போது அதிக எண்ணிக்கையில் புழக்கத்தில் இல்லை எனவும், அவை பதுக்கப்பட்டிருக்கலாம் எனவும் குறிப்பிட்டுள்ளார். ஆதலால் எந்த இடையூறும் இல்லாமல் 2 ஆயிரம் ரூபாய் நோட்டுகளை வாபஸ் பெறவேண்டும் அல்லது செல்லாது என அறிவிக்க வேண்டும் என்று அவர் கேட்டுக் கொண்டுள்ளார்.

பழைமையான ஓலைச்சுவடிகளை டிஜிட்டலாக்கும் பணிகள் துவங்கப்பட்டுள்ளன...! 08/11/2019

ஓலைச்சுவடிகளை டிஜிட்டல் மயமாக்கும் பணி தொடக்கம்... Nov 08, 2019 தஞ்சை தமிழ்ப் பல்கலைக் கழகத்தில் பல்வேறு நிறுவனங்களில் இருந்து நிதி பெறப்பட்டு, பழைமையான ஓலைச்சுவடிகளை டிஜிட்டலாக்கும் பணிகள் துவங்கப்பட்டுள்ளன. தமிழ்ப் பல்கலைக் கழக ஓலைச்சுவடி துறையில் உள்ள சுவடிகளை ஆய்வாளர்கள் இணையதளத்தில் படிக்கும் வகையில் டிஜிட்டலாக்கி வெளியிட முடிவு செய்யப்பட்டது. அதன்படி டெல்லி தேசிய சுவடி இயக்ககமானது தமிழ்நாடு அரசு மின்நூலகத்திட்டம், பிரிட்டிஷ் நூலகம் போன்றவற்றில் இருந்து நிதி பெறப்பட்டு, ஓலைச்சுவடி துறை தலைவர் கோவைமணி மேற்பார்வையில், பணிகள் துவங்கப்பட்டு நடைபெற்று வருகிறது. தமிழ் மொழியில் உள்ள 4 ஆயிரத்து 500 ஓலைச்சுவடி கட்டுகள், சமஸ்கிருதம் ஆயிரம் கட்டுகள், பாலி மொழி 1 கட்டு, தெலுங்கு 50 கட்டுகள், கன்னடம் 7 கட்டுகள் என 6 ஆயிரத்திற்கும் மேற்பட்ட கட்டுகள் டிஜிட்டலாக்கப்படுகின்றன. பழமையான சுவடிகளில் படிந்துள்ள தூசியை சுத்தம் செய்து, அதன்பிறகு ரசாயனத்தைப் பயன்படுத்தி எழுத்துகளை தெளிவு படுத்தி, உலர்த்தி பின்னர் அவை கணினியில் ஏற்றப்படுகின்றன. இந்தப் பணிகளில் முறையாகப் பயிற்சி பெற்ற 5 ...

பசுமை நுகர்வோர் கடைகளில் குறைந்த விலையில் வெங்காயம் விற்பனை... 08/11/2019

பண்ணை பசுமை நுகர்வோர் கடைகளில் குறைந்த விலையில் வெங்காயம் விற்பனை... Nov 08, 2019 பண்மை பசுமை நுகர்வோர் கடைகளில் குறைந்த விலையில் வெங்காயம் விற்கப்படும் என்று அமைச்சர்கள் செல்லூர் கே. ராஜு, இரா. காமராஜ் ஆகியோர் அறிவித்துள்ளனர். வெங்காய விளைச்சல் பகுதிகளில் பெய்த மழையின் காரணமாக உற்பத்தி பாதிக்கப்பட்டதால் அதன் விலை உயர்ந்துள்ளது. இதனைத் தொடர்ந்து வெளிச்சந்தையில் வெங்காய விலை உயர்வைக் கட்டுப்படுத்தி, நுகர்வோருக்கு குறைந்த விலையில் வெங்காயம் விற்பனை செய்ய முதலமைச்சர் எடப்பாடி பழனிசாமி உத்தரவிட்டார். இதைத்தொடர்ச்சியாக, பண்மை பசுமை நுகர்வோர் கடைகளில் இன்று முதல் குறைந்த விலையில் வெங்காயம் விற்கப்படும் என்று கூட்டுறவுத் துறை அமைச்சர் செல்லூர் கே. ராஜு, உணவுத் துறை அமைச்சர் இரா. காமராஜ் ஆகியோர் அறிவித்துள்ளனர். வெளிச்சந்தையை விட குறைவாக, ஒரு கிலோ வெங்காயம் 30 ரூபாய் மற்றும் 40 ரூபாய்க்கு விற்கப்படும் என அமைச்சர்கள் குறிப்பிட்டுள்ளனர்.

அயோத்தி வழக்கில் விரைவில் தீர்ப்பு வெளியாக உள்ளதால் 8 இடங்களில் தற்காலிக சிறைகள் அமைக்கப்பட்டுள்ளன... 07/11/2019

- November 07, 2019

அயோத்தி தீர்ப்பு - 8 இடங்களில் தற்காலிக சிறைகள்... Nov 07, 2019 அயோத்தி வழக்கில் விரைவில் தீர்ப்பு வெளியாக உள்ளதால் மத்திய பாதுகாப்புப் படையினர் 4000 பேர் உத்தரப்பிரதேசத்திற்கு அனுப்பி வைக்கப்பட்டனர். எட்டு இடங்களில் தற்காலிக சிறைகள் அமைக்கப்பட்டுள்ளன. அயோத்தியில் உள்ள சர்ச்சைக்குரிய ராமஜென்ம பூமி, பாபர் மசூதி தொடர்பான 2.77 ஏக்கர் நிலம் யாருக்குச் சொந்தம் என்பது தொடர்பான வழக்கில் இம்மாத ஒரு வாரத்தில் உச்சநீதிமன்றம் தீர்ப்பு வழங்கும் என எதிர்பார்க்கப்படுகிறது. இதை முன்னிட்டு, வன்முறைகள் எதுவும் நிகழாமல் இருப்பதற்காக உத்தரப்பிரதேச மாநிலத்தில் பல்வேறு முன்னெச்சரிக்கை நடவடிக்கைகள் மேற்கொள்ளப்பட்டு வருகின்றன. பதற்றம் நிறைந்த இடங்களில் 144 தடை உத்தரவு பிறப்பிக்கப்பட்டு போலீசார் குவிக்கப்பட்டுள்ளனர். அம்பேத்கர் நகர் மாவட்டத்தில் உள்ள பல்வேறு கல்லூரிகளில் எட்டு தற்காலிக சிறைகள் அமைக்கப்பட்டுள்ளன. ஒருவேளை தேசப்பாதுகாப்புச் சட்டம் அமல்படுத்தப்பட்டால், சட்டம் ஒழுங்கு பிரச்சனை ஏற்படுத்த முயல்வோரை முன்கூட்டியே கைது செய்து அடைக்கும் பொருட்டு அந்தச் சிறைகள் பயன்படுத்தப்படலாம் என்று கூற...

இன்றைய வர்த்த நேர தொடக்கத்தில் புதிய உச்சத்தை தொட்டிருக்கிறது மும்பை பங்குச்சந்தை..! 07/11/2019

மத்திய அரசின் நிதி அறிவிப்பால் பங்குச்சந்தைகளில் எழுச்சி... Nov 07, 2019 மும்பை பங்குச்சந்தை குறியீட்டு எண் சென்செக்ஸ் இன்றைய வர்த்த நேர தொடக்கத்தில் புதிய உச்சத்தை தொட்டிருக்கிறது. தேசிய பங்குச்சந்தை குறியீட்டு எண் நிஃப்டியும், நல்ல உயர்வை கண்டிருக்கிறது. காலை வர்த்தகம் துவங்கியதும் மும்பை பங்குச்சந்தை குறியீட்டு எண் சென்செக்ஸ், 200 புள்ளிகள் அதிகரித்து, 40 ஆயிரத்து 676 புள்ளிகள் என்ற புதிய உச்சத்துடன் வர்த்தகம் தொடங்கி நடைபெறுகிறது. இதேபோல், தேசிய பங்குச்சந்தை குறியீட்டு எண் நிஃப்டி, 12 ஆயிரம் புள்ளிகளுடன் இன்றைய வர்த்தகத்தை எதிர்கொண்டுள்ளது. போதிய நிதி ஆதாரங்கள் இன்றி தடுமாறும் கட்டுமானத்துறையை ஊக்குவிக்கும் வகையில், ரியல் எஸ்டேட் துறைக்கு 25 ஆயிரம் கோடி ரூபாய் ஊக்கத்தொகையை, மத்திய அரசு அறிவித்திருப்பதால், இந்திய பங்குச்சந்தைகள் புதிய உச்சங்களை தொட்டுள்ளதாக, பங்குச்சந்தை நிபுணர்கள் கூறுகின்றனர்

வங்க கடலில், அந்தமான் அருகே உருவானது "புல் புல்" புயல்..! 07/11/2019

வங்க கடலில் உருவானது "புல் புல்" புயல்... Nov 07, 2019 வங்க கடலில், அந்தமான் அருகே, நிலைகொண்டிருந்த ஆழ்ந்த காற்றழுத்த தாழ்வு மண்டலம், புயலாக உருவெடுத்துள்ளது. புல் புல் என பெயரிடப்பட்டிருக்கும் இந்த புயல், அடுத்த 24 மணி நேரத்தில், அதிதீவிர புயலாக வலுப்பெறும் என இந்திய வானிலை மையம் தெரிவித்திருக்கிறது. அந்தமான் நிக்கோபார் தீவுகளை ஒட்டி குறைந்த காற்றழுத்த தாழ்வுப்பகுதி நிலவியது. இது, நேற்று, மத்தியகிழக்கு மற்றும் அதனையொட்டிய தென்கிழக்கு வங்கக் கடல் பகுதியில் ஆழ்ந்த காற்றழுத்த தாழ்வு மண்டலமாக மாறியது. இந்த ஆழ்ந்த காற்றழுத்த தாழ்வு மண்டலம், இன்று, புயலாக மாறியுள்ளது. இந்த புயலுக்கு "புல் புல்" (Bul Bul) என பெயரிடப்பட்டுள்ளது. இதுதொடர்பாக, இந்திய வானிலை மையம் அறிக்கை வெளியிட்டுள்ளது. அதில், ஒடிசாவின் பாரதீப் துறைமுகத்தில் இருந்து, தெற்கு-தென்கிழக்கில், 730 கிலோ மீட்டர் தொலைவிலும், மேற்கு வங்கத்தின் சாகர் தீவிலிருந்து, 830 கிலோ மீட்டர் தொலைவிலும், "புல் புல்" புயல் மையம் கொண்டுள்ளது. அடுத்த 24 மணி நேரத்தில், இந்த "புல் புல்" புயல், அதிதீவி...

உள்ளாட்சி தேர்தலுக்கான இறுதிக்கட்ட ஏற்பாடுகள் தீவிரம்... 07/11/2019

உள்ளாட்சி தேர்தலை நடத்துவதற்கான இறுதிக்கட்ட ஏற்பாடுகள் தீவிரம்... Nov 07, 2019 உள்ளாட்சி தேர்தல் முன்னேற்பாடுகள் குறித்து அனைத்து மாவட்ட ஆட்சியர்களுடன், மாநில தேர்தல் ஆணையர் வீடியோ கான்பிரன்ஸ் மூலம் இன்று மாலை ஆலோசனை நடத்த உள்ளார். தமிழகத்தில் உள்ளாட்சி தேர்தலை நடத்துவதற்கான பணிகளை மாநில தேர்தல் ஆணையம் மேற்கொண்டு வருகிறது. இன்னும் 2 வாரங்களில் உள்ளாட்சி தேர்தலுக்கான தேதி அறிவிக்கப்படும் என எதிர்பார்க்கப்படுகிறது. இந்நிலையில், அனைத்து மாவட்ட ஆட்சியர்களுடன் இன்று மாலை 3 மணி முதல் 4.30 மணி வரை 2வது முறையாக வீடியோ கான்பிரன்ஸ் மூலம் மாநில தேர்தல் ஆணையர் பழனிசாமி ஆலோசனை நடத்த உள்ளதாக தெரிவிக்கப்பட்டுள்ளது. அதில், வாக்குப்பதிவு இயந்திரங்கள் பரிசோதனை, வாக்காளர் பட்டியல் தயாரித்தல், வாக்குச்சாவடி இறுதி செய்தல், தேர்தலுக்கு தேவையான பொருட்களை தாயார் நிலையில் வைத்தல், தேர்தல் அலுவலர்கள் நியமனம் குறித்து ஆலோசனை நடத்தப்படும் என்று எதிர்ப்பார்க்கப்படுகிறது. இந்த ஆலோசனை கூட்டத்தில் உள்ளாட்சி தேர்தலை எத்தனை கட்டங்களாக நடத்துவது என்பது தொடர்பாக இறுதி முடிவு எடுக்கப்படும் என்றும் கூறப்படு...

இன்போசிஸ் ஊழியர்கள் பலரை பணிநீக்கம் செய்துள்ளதாக தகவல்கள் வெளியாகியுள்ளன.... 06/11/2019

சரிவர வேலை செய்யாத இன்போசிஸ் ஊழியர்கள் பலர் பணிநீக்கம்..? Nov 06, 2019 இந்தியாவின் 2ஆவது மிகப்பெரிய சாப்ட்வேர் சேவை நிறுவனமான இன்போசிஸ் (infosys), பல்வேறு துறைகளிலும் சரியாக வேலை செய்யாத ஊழியர்கள் பலரை பணிநீக்கம் செய்துள்ளதாக தகவல்கள் வெளியாகியுள்ளன. இதுகுறித்து பத்திரிகைகளில் வெளியான செய்திகளில், இன்போசிஸ் நிறுவன ஊழியர்கள் ஆயிரக்கணக்கானோர் பணிநீக்கம் செய்யப்பட்டிருப்பதாக தெரிவிக்கப்பட்டிருந்தது. இந்த செய்தி தவறானது என்று இன்போசிஸ் வட்டாரங்கள் மறுத்துள்ளன. இதுகுறித்து ஐ.ஏ.என்.எஸ்.(ians) செய்தி நிறுவனத்துக்கு இன்போசிஸ் தரப்பில் மின்னஞ்சல் அனுப்பப்பட்டுள்ளது. அதில் சரிவர வேலை செய்யாத நபர்களை பணிநீக்கம் செய்யும் நடவடிக்கைகளின் ஒருபகுதியாகவே ஊழியர்கள் பணிநீக்கம் செய்யப்பட்டுள்ளனர் என தெரிவிக்கப்பட்டுள்ளது.

5% வரை குறைத்துள்ளது வைரங்களின் விலை..! 06/11/2019

வைரங்களின் விலையை 5 % வரை குறைத்தது De Beers நிறுவனம்..! Nov 06, 2019 தொழில் நெருக்கடி காரணமாக டி பியர்ஸ் நிறுவனம் வைரங்களின் விலையை 5 சதவீதம் வரை குறைத்துள்ளது. உலகின் மிகப் பெரிய வைர வியாபார நிறுவனமான டி பியர்ஸ், ஆப்பிரிக்க நாடான போட்ஸ்வானாவில் தலைசிறந்த வைரங்களை வெட்டி எடுத்து விற்பனை செய்து வருகிறது. இந்நிலையில் வைர விற்பனையில் மிகப் பெரிய சந்தையான இந்தியா, இஸ்ரேல் மற்றும் பெல்ஜியத்தில் செயற்கை வைரங்களின் விற்பனை அதிக அளவில் இருப்பதால் உண்மையான வைரக்கற்களின் விற்பனை மந்தமானதாகக் கூறப்படுகிறது. மேலும் வைரங்களை அறுப்பவர்கள், பட்டை தீட்டுபவர்களுக்கும் பற்றாக்குறை ஏற்பட்டுள்ளதால் டி பியர்ஸ் நிறுவனத்தின் வைர விற்பனை கடுமையாகப் பாதிக்கப்பட்டுள்ளதாக அமெரிக்க வைர வியாபாரியான ஸிம்னிஸ்கி தெரிவித்துள்ளார். இதுபோன்ற காரணங்களால் வைரக்கற்களின் விலையை 5 சதவீதம் வரை அந்த நிறுவனம் குறைத்துள்ளதாகவும் அவர் தெரிவித்துள்ளார்.

வெங்காயத்தை பதுக்கிவைத்தால் நடவடிக்கை எடுக்கப்படும்... 06/11/2019

வெங்காயத்தை பதுக்கிவைத்தால் நடவடிக்கை - அமைச்சர் செல்லூர் ராஜு... Nov 06, 2019 வெங்காயத்தை பதுக்கி வைப்பவர்கள் மீது கடும் நடவடிக்கை எடுக்கப்படும் என அமைச்சர் செல்லூர் ராஜு எச்சரிக்கை விடுத்துள்ளார். வெங்காயம் விலை கடும் உயர்வை சந்தித்து வருகிறது. இந்தநிலையில், சென்னை தலைமைச் செயலகத்தில், கூட்டுறவுத்துறை அமைச்சர் செல்லூர் ராஜு மற்றும் உணவுத்துறை அமைச்சர் காமராஜ் ஆகியோர் தலைமையில் வெங்காய விலை உயர்வை கட்டுப்படுத்துவது தொடர்பாக ஆலோசனைக்கூட்டம் நடைபெற்றது. இதனைத் தொடர்ந்து, செய்தியாளர்களிடம் பேசிய அமைச்சர் செல்லூர் ராஜு, மழை காலங்களான நவம்பர்-டிசம்பர் மாதங்களில் வெங்காயம் வரத்து குறைவாக இருப்பதால் விலை உயர்ந்துள்ளதாக விளக்கமளித்தார். வெங்காயத்தை பதுக்கிவைப்பவர்கள் மீது நடவடிக்கை எடுக்கப்படும் என்றும் எச்சரித்தார்.

திருப்பதியில் வி.ஐ.பி தரிசன டிக்கெட் ஆன்லைன் மூலம் ரூ. 10,000 செலுத்துவோருக்கு... 05/11/2019

- November 05, 2019

ஆன்லைன் மூலம் ரூ. 10,000 செலுத்துவோருக்கு திருப்பதியில் வி.ஐ.பி தரிசன டிக்கெட்..! Nov 05, 2019 திருப்பதி ஏழுமலையான் கோவிலில் சுவாமியை அருகில் சென்று தரிசனம் செய்யக்கூடிய விஐபி தரிசன டிக்கெட்டுகளை ஆன்லைன் மூலம் பக்தர்கள் பெறலாம் என தேவஸ்தான நிர்வாகம் தெரிவித்துள்ளது. தேவஸ்தான கூடுதல் செயல் அலுவலர் தர்மா ரெட்டி இந்தத் திட்டத்தினை தொடங்கிவைத்து செய்தியாளர்களை சந்தித்தார். கடந்த 3 ஆண்டுகளுக்கு முன்பு திருமலை திருப்பதி தேவஸ்தான அறங்காவலர் குழு ஸ்ரீவாணி அறக்கட்டளையை தொடங்கியது என்றும் இந்த அறக்கட்டளை தொடங்கியது முதல் பெரிய அளவில் வரவேற்பு கிடைக்கவில்லை என்றும் அவர் கூறினார். எனவே ஸ்ரீவாணி அறக்கட்டளைக்கு 10 ஆயிரம் ரூபாய் நன்கொடை அளிக்கும் பக்தர்களுக்கு முன்னுரிமை அளிக்கும் விதமாக அவர்களை வி.ஐ.பி தரிசன வரிசையில் அனுமதிக்க முடிவு செய்யப்பட்டுள்ளதாக தர்மா ரெட்டி தெரிவித்தார். தேவஸ்தான இணையதள முகவரியான www.ttdsevaonline.com இணையத்தில் சென்று ஸ்ரீவாணி அறக்கட்டளைக்கான லிங்க் மூலம் நன்கொடை செலுத்தி விஐபி தரிசன டிக்கெட்டை பெறலாம் என்று அறிவிக்கப்பட்டுள்ளது.

சூரியனைப் போன்று வெறும் 3.3 மடங்கு மட்டுமே நிறையுடன் கூடிய புதிய கருந்துளையைக்... 05/11/2019

மிகச்சிறிய அளவில் கருந்துளையைக் கண்டுபிடித்த ஆராய்ச்சியாளர்கள்..! Nov 04, 2019 சூரியனைப் போன்று வெறும் 3.3 மடங்கு மட்டுமே நிறையுடன் கூடிய புதிய கருந்துளையைக் கண்டுபிடித்துள்ள ஆராய்ச்சியாளர்கள், இதுவரையில் கண்டுபிடிக்கப்பட்டதிலேயே இது தான் மிகச்சிறியது எனத் தெரிவித்துள்ளனர். உருவில் பெரிய நட்சத்திரமானது தனது ஆற்றலை இழந்து உருக்குலைந்து வெடித்துச் சிதறும் போது அதீத ஈர்ப்பு விசையைக் கொண்ட கருந்துளையாவதாக விஞ்ஞானிகள் கூறுகின்றனர். அதேவேளையில் வெடித்துச் சிதறும் போது நியூட்ரான் நட்சத்திரங்களாவதாகவும் அவர்கள் குறிப்பிடுகின்றனர். ஆனால் இந்த நியூட்ரான் நட்சத்திரங்கள் சூரியனுடன் ஒப்பிடுகையில் 2 முதல் 3 மடங்கு மட்டுமே அளவில் பெரியதாக இருக்கும் என அவர்கள் தெரிவிக்கின்றனர். சூரியனுடன் ஒப்பிடுகையில் 4000 கோடி மடங்கு பெரியது தொடங்கி குறைந்தது 5 முதல் 15 மடங்கு பெரிய கருந்துகளைகளை இதுவரை விஞ்ஞானிகள் கண்டுபிடித்துள்ளனர். இந்த நிலையில், சூரியனை விட 3.3 மடங்கு மட்டுமே அளவில் பெரிய கருந்துளையை ஓகியோ மாநில பல்கலைக்கழக ஆராய்ச்சியாளர்கள் குழு கண்டுபிடித்துள்ளது. இதற்கு முன் சூரியனை விட 3.8 ...

இந்தியாவுக்கு பெரும் ஆபத்து என எச்சரிக்கை...! 05/11/2019

கடல் நீர்மட்டம் உயர்வதால் இந்தியாவுக்கு பெரும் ஆபத்து என எச்சரிக்கை... Nov 05, 2019 கடல் நீர்மட்டம் அதிகரித்து வருவதால் இந்திய பெரும் ஆபத்தில் இருப்பதாக ஐநா சபை பொதுச் செயலாளர் அன்டோனியா குட்ரஸ் கவலை தெரிவித்துள்ளார். தாய்லாந்தில் நடந்த ஆசியான் உச்சி மாநாட்டில் பங்கேற்ற அவர் செய்தியாளர்களிடம் பேசினார். அப்போது, உலகில் காலநிலை மாற்றம் என்பது மிகப் பெரும் அச்சுறுத்தலாக இருப்பதாக குறிப்பிட்டார். முன்பை விட கடல் நீர் மட்டம் அதிகரித்து வருவதாகக் குறிப்பிட்ட குட்ரெஸ், இதன் காரணமாக வரும் 2050ம் ஆண்டிற்குள் 300 மில்லியன் மக்கள் பாதிக்கப்படுவார்கள் என்றும் அச்சம் தெரிவித்தார். பருவநிலை மாற்றம் மற்றும் கடல் நீர்மட்டம் அதிகரிப்பு தொடர்ந்தால் தென்கிழக்கு ஆசியப் பகுதிகளான ஜப்பான், சீனா, வங்கதேசம் மற்றும் இந்தியா போன்ற நாடுகள் பெரும் ஆபத்தைச் சந்திக்கும் என்றும் அவர் எச்சரிக்கை விடுத்தார். எனவே உலக நாடுகள் தங்கள் போக்கை மாற்றிக் கொள்ளவேண்டும் என்றும் அவர் வேண்டுகோள் விடுத்தார்.

காவலர்களுக்கு விடுப்பு இல்லை... 05/11/2019

மறு உத்தரவு வரும் வரை காவலர்களுக்கு விடுப்பு இல்லை..! Nov 05, 2019 வருகிற 10ந் தேதியில் இருந்து மறுஉத்தரவு வரும்வரை காவலர்கள் விடுப்பு எடுக்க அனுமதிக்கக் கூடாது என்று அனைத்து காவல்துறை உயர் அதிகாரிகளுக்கும் தமிழக டிஜிபி உத்தரவு பிறப்பித்துள்ளார். சட்டம் ஒழுங்கு பாதுகாப்புப் பணிகளை மேற்கொள்வதற்காக, தேர்தல் சமயத்தில் இருப்பதைப் போன்று தயார்நிலையில் இருக்க வேண்டும் என சுற்றறிக்கை ஒன்றில் டிஜிபி திரிபாதி தெரிவித்துள்ளார்.

பொள்ளாச்சி வழக்கில் விசாரணை அறிக்கையை வெளியிட முடியாது... 04/11/2019

பொள்ளாச்சி வழக்கில் விசாரணை அறிக்கையை வெளியிட முடியாது-சிபிஐ Nov 04, 2019 பொள்ளாச்சி பாலியல் வன்முறை வழக்கின் விசாரணை அறிக்கையை வெளியிட முடியாது என சிபிஐ தரப்பில் சென்னை உயர் நீதிமன்றத்தில் திட்டவட்டமாக தெரிவிக்கப்பட்டுள்ளது. பொள்ளாச்சி பாலியல் வன்கொடுமை வழக்கு கடந்த முறை விசாரணைக்கு வந்தபோது, சிபிஐ விசாரணையின் இறுதி அறிக்கையை தங்களுக்கு வழங்க வேண்டும் என மனுதாரர்கள் தரப்பில் கோரப்பட்டிருந்தது. இது தொடர்பாக பதில் அளிக்க சிபிஐக்கு உயர்நீதிமன்றம் உத்தரவிட்டிருந்தது. இந்நிலையில் இந்த வழக்கு பொறுப்பு தலைமை நீதிபதி வினீத் கோத்தாரி மற்றும் நீதிபதி சரவணன் அமர்வில் இன்று மீண்டும் விசாரணைக்கு வந்தது. அப்போது, சிபிஐ தரப்பில் ஆஜரான வழக்கறிஞர், வழக்கின் விசாரணை ரகசிய விசாரணையாக இருப்பதால், இறுதி அறிக்கையை மனுதாரர்களுக்கு வழங்குவது அதை பகிரங்கப்படுத்துவதாக ஆகிவிடும் என தெரிவித்தார். அதேசமயம், இந்த வழக்கின் விசாரணையை நீதிமன்றம் மேற்பார்வையிடுவதற்கோ அல்லது கண்காணிப்பதற்கோ தங்களுக்கு எந்தவிதமான ஆட்சேபமும் இல்லை என சிபிஐ வழக்கறிஞர் தெரிவித்தார். விசாரணையின் முன்னேற்றம் குறித்த அறிக்க...

டாடா அறக்கட்டளைகளின் பதிவுகள் ரத்து.... 03/11/2019

டாடா அறக்கட்டளைகளின் பதிவுகள் ரத்து... Nov 02, 2019 டாடா நிறுவனத்துக்கு சொந்தமான அறக்கட்டளையின் கீழ் பதிவு செய்யப்பட்ட 6 அறக்கட்டளைகளின் பதிவுகளை வருமானவரித்துறை ரத்து செய்துள்ளது. ஜாம்ஷெட்ஜி டாடா டிரஸ்ட், ஆர்.டி.டாடா டிரஸ்ட், டாடா கல்வி டிரஸ்ட், டாடா சமூக முன்னேற்ற டிரஸ்ட்,சர்வஜனிக் சேவா டிரஸ்ட் மற்றும் நவஜ்பால் ரத்தன் டாடா டிரஸ்ட் ஆகியவை ரத்து செய்யப்பட்ட அறக்கட்டளைளாகும். கடந்த 2015ஆம் ஆண்டு இந்த அறக்கட்டளைகளைத் தொடங்குவதற்காக வருமானவரித்துறையிடம் பதிவு செய்யப்பட்டிருந்தது. தற்போது இந்த அறக்கட்டளைகளைத் தொடங்குவதில் விருப்பம் இல்லை என்றும் டாடா அறக்கட்டளை தெரிவித்து விட்டதால் அறக்கட்டளைகளின் பதிவுகளை வருமானவரித்துறை ரத்து செய்துள்ளது. டாடா அறக்கட்டளை வெளியிட்டுள்ள செய்திக்குறிப்பில் இந்த தகவல் கூறப்பட்டுள்ளது.

டெல்லியில் சுவாசிக்கவே சிரமம்... 03/11/2019

அபாயக் கட்டத்தில் காற்று மாசு.. டெல்லியில் சுவாசிக்கவே சிரமம்... Nov 03, 2019 டெல்லியில் காற்றுமாசு அபாயக்கட்டத்தை எட்டியுள்ள நிலையில் அங்கு தரையிறங்க இருந்த 37 விமானங்கள் வேறு இடங்களுக்கு திருப்பி விடப்பட்டுள்ள. அடர் புகைமூட்டதால் பொதுமக்கள் கண் எரிச்சலுக்கு ஆளான நிலையில் சுவாசிப்பதற்கு சிரமத்திற்கு உள்ளாகினர். தீபாவளிப் பண்டிகையின்போது பட்டாசுகள் வெடிக்கப்பட்டதாலும், பஞ்சாப் மற்றும் ஹரியானா மாநில எல்லைகளில் விவசாயக் கழிவுகளை எரிப்பதாலும் தலைநகர் டெல்லியில் காற்றுமாசுபாடு அபாயகட்டத்தை எட்டியுள்ளது. இதனால் நகரம் முழுவதும் புகைமூட்டம் சூழ்ந்து காணப்படுவதால் பொதுமக்கள் கண் எரிச்சலுக்கு ஆளான நிலையில் சுவாசிக்க முடியாமல் அவதிக்குள்ளாகினர். நகரம் முழுவதும் வெளிச்சமின்றி கரும்புகைசூழ்ந்து காணப்பட்டதால் விமானங்களை இயக்குவதில் சிரமம் ஏற்பட்டுள்ளதாக டெல்லி விமானத்துறை தெரிவித்துள்ளது. அதனால், காலை 9 மணியில் இருந்து பிற்பகல் ஒரு மணி வரையிலான நேரத்தில் டெல்லி விமான நிலையத்திற்கு வந்த விமானங்கள் ஜெய்ப்பூர், அமிர்தசரஸ் மற்றும் லக்னோவில் தரையிறங்க உத்தரவிடப்பட்டது. இதற்கு முன்னதாக கடந்...

ரஜினிகாந்துக்கு விருது வழங்கப்பட்டதில் அரசியல் இல்லை... 03/11/2019

ரஜினிகாந்துக்கு விருது வழங்கப்பட்டதில் அரசியல் இல்லை - அமைச்சர் ராஜேந்திர பாலாஜி... Nov 03, 2019 நடிகர் ரஜினிகாந்துக்கு மத்திய அரசால் விருது வழங்கப்பட்டதற்கும், அரசியலுக்கும் சம்பந்தமில்லை என்று அமைச்சர் ராஜேந்திர பாலாஜி தெரிவித்துள்ளார். விருதுநகர் மாவட்டம் ஸ்ரீவில்லிப்புத்தூரில் நிகழ்ச்சி ஒன்றில் கலந்து கொண்ட அவர், செய்தியாளர்களுக்கு பேட்டியளித்தார். அப்போது அவர், ரஜினியின் நடிப்புக்கும், அவரது பணிக்கும் விருது வழங்கப்பட்டிருக்கிறது என்றும், அந்த விருதை மத்திய அரசு முன்கூட்டியே கொடுத்திருக்கலாம் என்றும் தெரிவித்தார். டிடிவி தினகரனின் அமமுக என்பது கட்சியல்ல அது ஒரு குரூப் எனத் தெரிவித்த அமைச்சர், அக்கட்சியிலிருப்போர் அதிமுகவை நோக்கி வந்து கொண்டிருப்பதாகவும் கூறினார். தினகரன் கூடாரம் காலியாக உள்ளதாகவும், தேர்தலில் அதிமுகவிற்கும் திமுகவிற்கும் இடையேதான் போட்டி என்றும் அமைச்சர் ராஜேந்திர பாலாஜி குறிப்பிட்டார்.

இந்தியா-வங்கதேசம் அணிகளுக்கு இடையேயான முதலாவது கிரிக்கெட் போட்டி இன்று நடைபெறுகிறது... 03/11/2019

இந்தியா-வங்கதேசம் 20 ஓவர் கிரிக்கெட் தொடர் இன்று தொடக்கம்... Nov 03, 2019 இந்தியா- வங்கதேசம் அணிகளுக்கு இடையேயான முதலாவது 20 ஓவர் கிரிக்கெட் போட்டி இன்று நடைபெறுகிறது. இரு அணிகளும் பங்கேற்கும் 3 இருபது ஓவர் கிரிக்கெட் போட்டிகள், 2 டெஸ்ட் போட்டிகளில் மோதுகின்றன. இதில் முதலாவது 20 ஓவர் கிரிக்கெட் போட்டி, டெல்லி அருண் ஜேட்லி மைதானத்தில் இன்று நடைபெறுகிறது. வலைபயிற்சியின்போது காயம் ஏற்பட்டதால், ரோஹித் ஷர்மா இப்போட்டியில் விளையாடுவாரா என சந்தேகம் நிலவிய நிலையில், அவர் குணமடைந்து விட்டதாகவும் போட்டியில் பங்கேற்பார் எனவும் அறிவிக்கப்பட்டுள்ளது. வங்கதேசத்துக்கு எதிராக இதுவரை 8 இருபது ஓவர் போட்டிகளில் விளையாடி, அவை அனைத்திலும் இந்தியா வெற்றி பெற்றுள்ளது. இந்த வெற்றியை தொடரும் முனைப்பில் இந்திய அணி இன்று களமிறங்கும் என எதிர்பார்க்கப்படுகிறது.

முழு கொள்ளளவை எட்டுகிறது பவானிசாகர் அணை..! 03/11/2019