Y News

உணவுக்கு எந்த மதமும் இல்லை” வாடிக்கையாளருக்கு சோமேட்டோவின் பதில் Jul 31, 2019 இந்து மதத்தை சேராதவரை உணவு டெலிவரிக்கு அனுப்பியதால் ஆன்லைனில் ஆர்டர் செய்த உணவை ரத்து செய்தவருக்கு சோமேட்டோ நிறுவனம் அளித்த பதில் பலரையும் கவர்ந்துள்ளது. மத்திய பிரதேசத்தை சேர்ந்த அமித் சுக்லா என்பவர் ஆன்லைனில் உணவு விற்பனை செய்யும் சோமேட்டோவில் உணவை ஆர்டர் செய்துள்ளார். அதனை டெலிவரி செய்ய அனுப்பப்பட உள்ளவர் இந்து அல்லாதவர் என்பதை அறிந்து, வேறு ஒருவரை அனுப்புமாறும் இல்லையென்றால் தனது ஆர்டரை ரத்து செய்துவிடுவதாகவும் சோமேட்டோ கஸ்டமர் கேரில் (care) தெரிவித்துள்ளார். அதற்கு, அவ்வாறு டெலிவரி செய்பவரை மாற்ற முடியாது என்றும், ஆர்டரை ரத்து செய்தால் அதற்கான பணம் திருப்பி தரப்படாது என்றும் சோமேட்டோ நிறுவனம் தெரிவித்துள்ளது. இதுகுறித்து டிவிட்டரில் அமித் சுக்லா பதிவிட்ட நிலையில், அதற்கு பதில் அளித்துள்ள சோமேட்டோ நிறுவனம், உணவுக்கு எந்த மதமும் இல்லை, உணவே ஒரு மதம் தான் என தெரிவித்துள்ளது. சோமேட்டோ நிறுவனத்தின் பதில் பலரையும் கவர்ந்துள்ளது.

கூகுள் CEO சுந்தர் பிச்சை வகிக்கும் பதவிக்கு ஆயிரக்கணக்கானோர் விண்ணப்பம்..! Jul 31, 2019 பிரபல வேலைவாய்ப்பு இணையதளத்தில் கூகுள் சிஇஓ பதவி காலியாக இருப்பதாக விளம்பரம் செய்யப்பட்டதால் பலர் அதற்கு விண்ணப்பித்தனர். மைக்ரோசாஃப்ட் நிறுவனத்திற்கு சொந்தமான Linkedin இணையதளத்தில் சிறு நிறுவனங்கள் முதல் பெரு நிறுவனங்கள் வரை வேலைவாய்ப்பு தொடர்பான விளம்பரங்களை பதிவிட்டு வருகின்றனர். இந்நிலையில் சமீபத்தில், இந்த இணையதளத்தில் கூகுள் நிறுவனத்தின் தலைமை செயல் அதிகாரி பதவி காலியாக இருப்பதாக விளம்பரம் செய்யப்பட்டுள்ளது. தற்போது அந்த பதவியில் சுந்தர் பிச்சை வெற்றிகரமாக செயல்பட்டு வரும் நிலையில் பலர் அந்த விளம்பரத்தை பார்த்து குழம்பம் அடைந்தனர். இருப்பினும் ஆயிரக்கணக்னோர் அந்த பணிக்காக விண்ணப்பித்துள்ளனர். இதனையடுத்து அது பொய்யான விளம்பரம் என்றும் நெதர்லாந்தை சேர்ந்த மைக்கெல் ரிஜின்டர்ஸ் ((Michel Rijnders)) என்பவர் அதனை பதிவிட்டதாகவும் Linkedin இணையதளம் தெரிவித்ததோடு, அந்த விளம்பரத்தையும் நீக்கி உள்ளது. Linkedin இணையதளத்தில் பொய்யாக பலர் வேலைவாய்ப்பு குறித்து விளம்பரம் செய்வதை நிரூபிக்க தா...

விளக்கொளியால் ஜொலித்த சீனாவின் புதிய கண்ணாடிப் பாலம் Jul 31, 2019 சீனாவில் சமீபத்தில் கட்டமைக்கப்பட்ட பாலம் விளக்கொளியால் அலங்கரிப்பட்டு ஜொலித்த காட்சிகள் சமூக வலைதளங்களில் அதிகம் பகிரப்பட்டு வருகிறது. கடந்த ஜூன் 5-ம் தேதி குவாங்டாங்கில் ஆயிரத்து 843 கோடி ரூபாய் செலவில் கண்ணாடிப் பாலம் திறக்கப்பட்டது. இரு டென்னிஸ் மட்டைகளை குறுக்கே நிறுத்தியது போல் உள்ள அந்த பாலம் தரைமட்டத்தில் இருந்து ஆயிரத்து 640 அடி உயரம் கொண்டது. மலை முகட்டில் இருந்து ஆயிரத்து 207 அடி தூரம் நீட்டிக் கொண்டு மலையில் சூரியன் மறையும் காட்சியை ரசிக்க உதவும் கண்ணாடிப் பாலம் வெகு சீக்கிரத்தில் சர்வதேச சுற்றுலாப் பயணிகளின் கவனத்தை ஈர்த்தது. அங்கு கடந்த வியாழனன்று 2 ஆயிரம் ஒளி விளக்குகளால் அலங்கரிக்கப்பட்டு இரவில் ஜொலித்தது. அவ்வப்போது நிறங்கள் மாறி காட்டிய வர்ண ஜாலம் காண்போரை வெகுவாகக் கவர்ந்தது. இந்தப் பாலத்திற்கு சீன மொழியில் சொர்க்கத்தின் கதவுகள் எனப் பெயரிடப்பட்டுள்ளது. கடந்த வியாழனன்று அந்த கண்ணாடிப் பாலத்தில் ஆடை அலங்கார அணிவகுப்புகளும் நடத்தப்பட்டன.

கங்கை நதியை சுத்தப்படுத்த கடந்த 5 ஆண்டுகளில் ரூ.20,000 கோடி நிதி ஒதுக்கப்பட்டுள்ளது Jul 31, 2019 கங்கை நதியை சுத்தப்படுத்துவதற்காக, கடந்த 5 ஆண்டுகளில் 20 ஆயிரம் கோடி ரூபாய் ஒதுக்கப்பட்டுள்ளதாக மத்திய அரசு தெரிவித்துள்ளது. நாடாளுமன்ற மாநிலங்களவையில் நடைபெற்ற விவாதத்தில் பேசிய மத்திய நீர்சக்தி துறை இணை அமைச்சர் ரட்டன் லால் கட்டாரியா, கங்கை நதியை சுத்தப்படுத்துவதற்கும், புனரமைப்பதற்கும் பல்வேறு நடவடிக்கைகளை மத்திய அரசு மேற்கொண்டு வருவதாக கூறினார். கங்கையின் சுத்தம் மற்றும் தூய்மையை பேணி காக்க வேண்டும் என்பதில் அரசு உறுதியாக இருப்பதாக அவர் குறிப்பிட்டார். கடந்த 5 ஆண்டுகளில் இந்த திட்டத்திற்காக மத்திய அரசு 20 ஆயிரம் கோடி ரூபாயை ஒதுக்கி இருக்கிறது என்றும் இணை அமைச்சர் ரட்டன் லால் கட்டாரியா தெரிவித்தார். பல்வேறு காரணங்களால் அசுத்தமடைந்துள்ள கங்கை நதியை சுத்தம் செய்வதற்காக நமாமி கங்கை என்ற பெயரில் புதிய திட்டத்தை, பிரதமர் நரேந்திரமோடி தலைமையிலான அரசு 2014 ஆம் ஆண்டு ஜுன் மாதம் தொடங்கியது குறிப்பிடத்தக்கது.

அரசு கேபிள் கட்டணம் குறைப்பு..! Jul 31, 2019 அரசு கேபிள் கட்டணம் குறைப்பு அரசு கேபிள் கட்டணம் 130 ரூபாய் மற்றும் ஜி.எஸ்.டி. என குறைக்கப்பட்டுள்ளதாக அறிவிப்பு எந்தெந்த சேனல்கள் இந்த கட்டணத்தில் வரும் என்பது அறிவிக்கப்படவில்லை ஆகஸ்டு 10 ஆம் தேதி முதல் வேலூர் தவிர்த்து மற்ற மாவட்டங்களில் கட்டண குறைப்பு அமலுக்கு வருகிறது தேர்தல் நடத்தை விதிகள் அமலில் உள்ளதால் வேலூரில் கட்டண குறைப்பு அமல்படுத்தப்படாது.

அரசுப் பள்ளிகளில் ஆங்கில வழி கல்விக் கட்டணத்தை ரத்து செய்து அரசாணை வெளியீடு Jul 31, 2019 அரசுப் பள்ளிகளில் ஆங்கில வழிக் கல்வி பயிலும் மாணவர்களுக்கு கல்விக் கட்டணத்தை ரத்து செய்து அரசாணை வெளியிடப்பட்டுள்ளது. அரசுப் பள்ளிகளில் 6-ஆம் வகுப்பு முதல் 12-ஆம் வகுப்பு வரை ஆங்கில வழிக் கல்வி நடைமுறையில் உள்ளது. இந்த வகுப்புகளுக்கு இதுவரை கல்விக் கட்டணம் வசூலிக்கப்பட்ட நிலையில், இந்தக் கட்டணம் ரத்து செய்யப்படும் என்று பள்ளிக் கல்வித்துறை அமைச்சர் செங்கோட்டையன் சட்டப்பேரவையில் அறிவித்தார். இந்நிலையில் அதுதொடர்பான அரசாணை பள்ளிக் கல்வித்துறை சார்பில் வெளியிடப்பட்டுள்ளது. அதில் ஆங்கில வழிக் கல்விக்கு கட்டணத்தை ரத்து செய்வது அதில் மாணவர்கள் தொடர்ந்து படிப்பதற்கு வழி ஏற்படுத்தும் என்றும் அதன் மூலம் தேசிய அளவில் ஆங்கில மொழியில் நடத்தப்படும் பல்வேறு போட்டித்தேர்வுகளை அவர்கள் சுலபமாக எதிர்கொள்ள முடியும் என்றும் பள்ளிக் கல்வித்துறை இயக்குநர் அரசுக்கு பரிந்துரைத்ததாக தெரிவிக்கப்பட்டுள்ளது. அதனை ஏற்று 2019-2020-ம் கல்வியாண்டில் ஆங்கில வழிக்கல்வியில் 6 முதல் 12-ம் வகுப்பு வரை பயிலும் 22,314 மாணவ...

கரூர் மருத்துவக் கல்லூரியை திறந்து வைத்தார் முதலமைச்சர் எடப்பாடி பழனிசாமி Jul 31, 2019 கரூர் மாவட்டம் காந்தி கிராமத்தில் சுமார் 270 கோடி ரூபாய் மதிப்பீட்டில் கட்டி முடிக்கப்பட்டுள்ள அரசு மருத்துவக் கல்லூரி மருத்துவமனையை முதலமைச்சர் எடப்பாடி பழனிசாமி தொடங்கி வைத்தார். பல்வேறு அரசுத் திட்டங்கள் மற்றும் அரசுக் கட்டிடங்களை காணொலிக் காட்சி மூலம், முதலமைச்சர் எடப்பாடி பழனிசாமி தொடங்கி வைக்கும் நிகழ்ச்சி தலைமைச் செயலகத்தில் நடைபெற்றது. இந்நிகழ்ச்சியில், கரூர் மாவாட்டம் காந்தி கிராமத்தில் கட்டப்பட்டுள்ள புதிய அரசு மருத்துவக் கல்லூரி மருத்துவமனையை முதலமைச்சர் திறந்து வைத்தார். 17.45 ஏக்கர் பரப்பில் 279 கோடி ரூபாய் மதிப்பீட்டில் இந்த மருத்துவக் கல்லூரி மருத்துவமனை கட்டி முடிக்கப்பட்டுள்ளது. 75.79 கோடி ரூபாய் மதிப்பில் 3.20 லட்சம் சதுர அடி பரப்பில் வகுப்பறைக் கட்டடங்களும், 122 கோடி ரூபாய் மதிப்பில் 5.58 லட்சம் சதுரஅடி பரப்பில் மருத்துவமனைக் கட்டடங்களும் கட்டப்பட்டுள்ளன. மாணவ மாணவியருக்கான தங்கும் விடுதி 71 கோடி ரூபாய் மதிப்பில் கட்டிக் கொடுக்கப்பட்டுள்ளது. இந்த மருத்துவமனையில் 800 பட...

தபால் துறை தேர்வு செப்.15ல் நடைபெறும் என அறிவிப்பு Jul 31, 2019 கடந்த 14ஆம் தேதி நடைபெற்று ரத்து செய்யப்பட்ட தபால் துறை தேர்வு, செப்டம்பர் மாதம் 15ஆம் தேதி நடைபெறும் என்று அறிவிக்கப்பட்டுள்ளது. தபால் துறையில் பதவி உயர்வு பெறுவதற்கான தேர்வு கடந்த 14ஆம் தேதி நாடு முழுவதும் நடைபெற்றது. ஆனால் வழக்கத்திற்கு மாறாக ஆங்கிலம் மற்றும் இந்தி மொழிகளில் கேள்வித் தாள் இருந்தது. தமிழ் உள்ளிட்ட மாநில மொழிகளில் கேள்வித் தாள்கள் இல்லாததால் சர்ச்சை எழுந்தது. நாடாளுமன்றத்தில் இப்பிரச்சனை எதிரொலித்ததால், தேர்வு ரத்து செய்யப்பட்டது. சென்னை உயர்நீதிமன்றத்திலும் இதுதொடர்பாக வழக்கு நடந்தது. இந்த வழக்கில் பதில் அளித்த மத்திய அரசானது, மாநில மொழிகளிலும் தபால் துறை தேர்வுகள் நடத்தப்படும் என்று உறுதி அளித்தது. இந்த நிலையில் ரத்து செய்யப்பட்ட தபால் துறை தேர்வானது செப்டம்பர் 15 ஆம் தேதி நடத்தப்படும் என்று மத்திய அரசு அறிவித்துள்ளது. இந்தி பேசும் மாநிலங்களில் இந்தி மற்றும் ஆங்கில மொழிகளிலும், இந்தி பேசாத மாநிலங்களில் இந்தி, ஆங்கிலம் மற்றும் அந்தந்த மாநில மொழிகளிலும் தேர்வு நடைபெறும் என்று அறிவிப்பு வெ...

வெப்ப அலைகள் காரணமாக பனிபாறைகள் உருகும் அபாயம் Jul 31, 2019 ஐரோப்பிய நாடுகளில் ஏற்பட்டுள்ள கடும் வெப்பம் காரணமாக கிரீன்லாந்தில் பனிப்பாறைகள் உருகும் அபாயம் ஏற்பட்டுள்ளதாக சர்வதேச வானிலை ஆராய்ச்சி மையம் எச்சரித்துள்ளது. ஐரோப்பிய நாடுகளில் அண்மைக்காலமாக நிலவி வரும் கடும் வெப்பமான காலநிலையால் பொதுமக்களின் இயல்பு வாழ்க்கை பெரிதும் பாதிக்கப்பட்டுள்ளது. இதுகுறித்து சர்வதேச வானிலை ஆய்வு மையம் விடுத்துள்ள அறிக்கையில், தொடர்ந்து வீசும் வெப்ப அலைகள் காரணமாக கிரீன்லாந்து பகுதியில் உள்ள பனிப்பாறைகள் உருகும் அபாயம் ஏற்பட்டுள்ளதாக கூறப்பட்டுள்ளது. கடந்த 1950ம் ஆண்டுக்குப் பின்னர் தற்போதுதான் கிரீன்லாந்து பகுதியில் அதிக வெப்பம் உணரப்படுவதாக பருவநிலை ஆய்வாளர் மார்ட்டின் ஸ்டென்டல் தெரிவித்துள்ளார். இதனால் கடல் நீர் மட்டம் அரை மில்லி மீட்டர் உயர்ந்துள்ளதாகவும், இது புதிய பிரச்னைகளுக்கு வழிவகுக்கும் என்றும் அவர் குறிப்பிட்டுள்ளார்.

காற்றில் கார்பன் டை ஆக்ஸைடு அளவைக் குறைக்கும் வகையில் மின்சார விமானம் Jul 31, 2019 அமெரிக்காவில் மின்சாரத்தினால் இயங்கும் சிறிய விமானங்களை வரும் நாட்களில் சோதிக்க ஆம்பையர் நிறுவனம் முடிவு செய்துள்ளது. லாஸ் ஏஞ்சலிஸ் நகரைத் தலைமையிடமாகக் கொண்ட ஆம்பையர் நிறுவனம் முழுவதும் மின்சாரத்தினால் இயங்கும் இரட்டை என்ஜின் பொருத்தப்பட்ட செஸ்னா 337 ரக விமானங்களைத் தயாரித்துள்ளது. உலகின் முதல் மின்சார விமானம் என்று பெயர் பெற்றுள்ள செஸ்னா விமானத்தை இந்த ஆண்டு இறுதிக்குள் பறக்கவிட்டு சோதனை நடத்த ஆம்பையர் நிறுவனம் முடிவு செய்துள்ளது. கார்பன் டை ஆக்ஸைடு வாயுவைக் குறைக்கும் வகையில் இந்த விமானம் தயாரிக்கப்பட்டுள்ளதாகக் கூறிய ஆம்பையர், 2021ம் ஆண்டு இந்த ரக விமானங்களை பறக்கவிட அனுமதி கேட்டுள்ளதாகவும் தெரிவித்துள்ளது.

நள்ளிரவிலும் நீடித்த கலந்தாய்வு Jul 31, 2019 பொறியியல் துணைக் கலந்தாய்வு இறுதி நாளான நேற்று ஏராளமான மாணவர்கள் கலந்துகொண்டதால், நள்ளிரவையும் தாண்டி கலந்தாய்வு நீடித்தது. பொறியியல் மாணவர் சேர்க்கைக்கான முதல் சுற்று கலந்தாய்வு கடந்த 27ம் தேதி வரை ஆன்லைனில் நடைபெற்றது. இதில் மீதமிருந்த 87 ஆயிரம் காலியிடங்களுக்கு 6 ஆயிரம் மாணவர்கள் விண்ணப்பித்து இருந்தனர். அவர்களுக்கு கடந்த 3 நாட்களாக துணைக் கலந்தாய்வு நடைபெற்று வந்தது. இறுதி நாளான நேற்று அதிக மாணவர்கள் பங்கேற்றதால் இரவிலும் கலந்தாய்வு நீடித்தது. வெளிமாவட்டங்களில் இருந்து வந்த மாணவ-மாணவிகள், குடிநீர் உள்ளிட்ட அடிப்படை வசதிகள் ஏதும் இல்லை என்று புகார் தெரிவித்தனர். முறையான அழைப்புகளும், தரவரிசை எண்ணும் வழங்கப்படவில்லை என்று குற்றம் சாட்டிய மாணவர்கள், இடம் கிடைக்குமா என்ற எதிர்பார்ப்பில் வந்திருப்பதாகத் தெரிவித்தனர்

மத்திய நிதித்துறை செயலாளராக ராஜீவ்குமார் நியமனம் Jul 31, 2019 மத்திய நிதித்துறை செயலாளராக ராஜீவ்குமார் நியமிக்கப்பட்டுள்ளார். இப்பொறுப்பில் இருந்த சுபாஷ் சந்திர கார்க் அண்மையில் எரிசக்தித்துறை செயலாளராக மாற்றப்பட்டார். அவர் விருப்ப ஓய்வில் செல்ல விண்ணப்பித்துள்ளார். இந்நிலையில், காலியாக உள்ள நிதித்துறை செயலாளர் பதவிக்கு ராஜீவ் குமார் நியமிக்கப்பட்டுள்ளார். அவரது நியமனத்துக்கு பிரதமர் மோடி தலைமையிலான மத்திய அமைச்சரவையின் நியமனங்கள் குழு ஒப்புதல் அளித்துள்ளது. 1984-ம் ஆண்டு ஜார்க்கண்ட் மாநில ஐ.ஏ.எஸ். அதிகாரியான ராஜீவ் குமார் தற்போது நிதிச்சேவைகள் செயலாளராக பணியாற்றி வருகிறார். பொதுத்துறை வங்கிகள் இணைப்பு உள்ளிட்ட வங்கி சீர்திருத்தப் பணிகளில் இவர் முக்கிய பங்கு வகித்துள்ளார்.

மேட்டூர் அணையின் நீர்மட்டம் தொடர்ந்து அதிகரிப்பு..! Jul 30, 2019 காவிரியில் நீர்வரத்து தொடர்ந்து அதிகரித்து வருவதால் மேட்டூர் அணையின் நீர்மட்டம் தொடர்ந்து உயர்ந்து வருகிறது. நாள் ஒன்றுக்கு ஒரு அடி வீதம், ஒருவாரத்தில் அணையின் நீர்மட்டம் 7 அடி உயர்ந்துள்ளது. காவிரியில் தமிழகத்திற்கு கூடுதல் தண்ணீர் திறக்க கடந்த 25 ஆம் தேதி டெல்லியில் கூடிய காவிரி மேலாண்மை ஆணையக் கூட்டத்தில் கர்நாடக அரசுக்கு உத்தரவு பிறப்பிக்கப்பட்டது. இதைத் தொடர்ந்து அந்த மாநில அரசு காவிரியில் நீர் திறப்பை அதிகரித்துள்ளது. இந்நிலையில் கர்நாடகத்தில் காவிரியின் குறுக்கே உள்ள முக்கிய அணையான கிருஷ்ண ராஜ சாகரின் நீர்மட்டம் 87.13 அடியாக உள்ளது. அணைக்கு வினாடிக்கு 4352 கன அடி வீதம் தண்ணீர் வரும் நிலையில், அணையில் இருந்து வினாடிக்கு 7927 கன அடி வீதம் தண்ணீர் திறந்து விடப்பட்டுள்ளது. இதே போன்று கபினி அணையின் நீர்மட்டம் 73 அடியாக உள்ள நிலையில் அணைக்கு வினாடிக்கு 3490 கன அடி வீதம் தண்ணீர் வருகிறது. அந்த அணையில் இருந்து வினாடிக்கு 5000 கன அடி வீதம் தண்ணீர் திறக்கப்பட்டுள்ளது. இதன் மூலம் ஒட்டுமொத்தமாக வினாடிக்கு 12,927 க...

தெருவில் செல்பவர்களுக்கெல்லாம் 5 டாலர்களைக் கொடுக்கும் கூகுள் Jul 30, 2019 தெருவில் செல்பவர்களுக்கெல்லாம் 5 டாலர்களைக் கொடுத்து பிக்ஸல் 4 ஸ்மார்ட்போனை முக அடையாளத்தைப் பயன்படுத்தி திறக்கும் தொழில்நுட்பத்துக்கான கள ஆய்வுக்கு கூகுள் நிறுவனம் பயன்படுத்தி வருகிறது. முக அடையாளத்தைப் பயன்படுத்தி ஸ்மார்ட் போன் லாக்கை திறக்கும் தொழில்நுட்பம் ஏற்கெனவே அமலில் இருந்தாலும் அதில் ஏராளமான குறைபாடுகள் உள்ளன. அக்டோபரில் சந்தைக்கு வரும் என எதிர்பார்க்கப்படும் பிக்ஸல் 4 மற்றும் பிக்ஸல் 4 எக்ஸ் எல் ஸ்மார்ட்போன்களில் அந்தக் குறைகளைக் களைய கூகுள் நிறுவனம் திட்டமிட்டுள்ளது. அதற்காக கூகுள் பணியாளர்கள் அமெரிக்காவில் தெருக்களில் செல்வோரிடம் சென்று இந்திய மதிப்பில் 340 ரூபாய் மதிப்புள்ள 5 டாலருக்கான சான்றை வழங்கி அவர்களின் முக அடையாளங்களைப் பயன்படுத்தி சோதனை செய்து வருகிறது. ஒரே நிறத்தில் உள்ளவர், வடிவமைப்பை ஒத்த உருவங்கள், இன்ஃப்ராரெட், முகத்தோற்றத்தின் ஆழத்தை நேரத்துடன் பதிவிடுவது, படம் எடுக்கும் சூழல், வெளிச்சம் என பல பிரிவுகளிலும் ஆய்வு மேற்கொள்கிறது.  

சிலி கடல் பரப்பில் கொட்டி கிடக்கும் 40,000 லிட்டர் டீசல் எண்ணெய்..! Jul 30, 2019 சிலி நாட்டின் தெற்கு பகுதியான படகோனியா கடல் பரப்பில் கொட்டியிருக்கும் டீசலை அகற்றும் பணியில் கடற்படையினர் ஈடுபட்டுள்ளனர். குயரெல்லோ (Guarello) தீவிலிருந்து 150 மைல் தூரத்துக்கு பியர்டோ நட்டேல்ஸ் டவுன் வரையிலான கடல் பரப்பில், கடந்த சனிக்கிழமை 40,000 லிட்டர் டீசல் எண்ணெய் கொட்டியது. இதுகுறித்து கேப் என்ற சுரங்க நிறுவனம் தகவல் அளித்ததை தொடர்ந்து, கடற்படையினர் கடலில் கலந்த எண்ணெயை அகற்றும் பணியில் ஈடுபடுள்ளனர். மேலும் கடல்வாழ் உயிரினங்கள் மற்றும் பறவைகளின் உயிரிழப்பை தவிர்க்கும் வகையில் பணியை விரைந்து முடிக்கவும் சிலி கடற்படையினருக்கு அறிவுறுத்தப்பட்டுள்ளது. இதனிடையே, கடலில் டீசல் கொட்டியது எப்படி என்பது குறித்தும் அதிகாரிகள் விசாரணையை முடுக்கி விட்டுள்ளனர்.

தென்மேற்குப் பருவமழையால் வடமாநிலங்களில் கனமழை Jul 30, 2019 தென்மேற்குப் பருவமழை காரணமாக கோதாவரி ஆற்றில் வெள்ளம் அபாய அளவை கடந்து செல்கிறது. தென்மேற்குப் பருவழையால் பல்வேறு வடமாநிலங்களில் கனமழை கொட்டித் தீர்த்து வருகிறது. இதனால் பல்வேறு ஆறுகளில் வெள்ளம் பெருக்கெடுத்து ஓடுகிறது. மகாராஷ்டிர மாநிலம் நாசிக்கில் கோதாவரி ஆற்றில் வெள்ளம் அபாய அளவை தாண்டி ஓடும் நிலையில் பல்வேறு கட்டிடங்கள் நீரில் மூழ்கியுள்ளன.

தபால் துறை தேர்வுகளை தமிழ் உள்ளிட்ட பிராந்திய மொழிகளில் எழுதுவதற்கான அறிவிப்பாணை - உயர்நீதிமன்றத்தில் தாக்கல் Jul 30, 2019 அஞ்சல் துறை தேர்வை தமிழில் எழுதலாம் என்ற மத்திய அரசின் அறிவிப்பாணை நகல் சென்னை உயர்நீதிமன்றத்தில் தாக்கல் செய்யப்பட்டதையடுத்து அது தொடர்பான வழக்கை சென்னை உயர்நீதிமன்றம் முடித்து வைத்தது. அஞ்சல்துறை பணியிடங்களை நிரப்புவதற்கான எழுத்துத் தேர்வு ஆங்கிலம் அல்லது அந்தந்த மாநில மொழிகளில் நடத்தப்படும் என கடந்த மே மாதம் அறிவிப்பு வெளியிடப்பட்டது. இந்நிலையில் கடந்த 11-ஆம் தேதி வெளியிடப்பட்ட அறிவிப்பில் அஞ்சல் துறை தேர்வுகள் ஆங்கிலம் மற்றும் இந்தியில் மட்டும் நடத்தப்படும் என அறிவிக்கப்பட்டது. அதற்கு எதிராக தி.மு.க. எம்.எல்.ஏ. எழிலரசன் வழக்கு தொடர்ந்தார். இந்த மனு இன்று விசாரணைக்கு வந்த போது அஞ்சல் துறை தேர்வுகளை மாநில மொழிகளில் எழுத அனுமதிக்கும் மே 10ம் தேதி அறிவிப்பே தொடரும் என கடந்த 23-ஆம் தேதி மத்திய தகவல் தொழில் நுட்பத் துறை புதிய அறிவிப்பாணை வெளியிட்டுள்ளதாகக் கூறி அதன் நகலை மத்திய அரசு வழக்கறிஞர் தாக்கல் செய்தார். அதனை ஏற்றுக்கொண்ட நீதிபதிகள் வழக்கை மு...

உள்தமிழகத்தில் அடுத்த இரு நாட்களுக்கு மழைக்கு வாய்ப்பு Jul 30, 2019 உள் தமிழகத்தில் இரு நாட்களுக்கு மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. வேலூர், கிருஷ்ணகிரி, திருவண்ணாமலை, தர்மபுரி, விழுப்புரம், நாமக்கல் ,பெரம்பலூர், திருச்சி, கரூர், புதுக்கோட்டை, மதுரை ஆகிய மாவட்டங்களில் வெப்பச்சலனம் காரணமாக மழை பெய்யும் என்று சென்னை வானிலை ஆய்வு மையம் தெரிவித்துள்ளது. கேரளாவில் தென்மேற்கு பருவமழை வலுவிழந்து விட்டதால் தமிழகத்தின் மேற்கு தொடர்ச்சி மலையை ஒட்டியுள்ள மாவட்டங்களுக்கு மழைக்கான வாய்ப்பு இல்லை என்றும் குறிப்பிடப்பட்டுள்ளது. இதனிடையே தென் மேற்கு பருவமழையானது வழக்கத்தைக் காட்டிலும் தமிழகத்தில் 27 சதவீதம் குறைவாகப் பெய்துள்ளதாக வானிலை மையம் கூறியுள்ளது. 13 செண்டி மீட்டர் பெய்ய வேண்டிய மழை, தற்போது வரை 9 சென்டி மீட்டர் மட்டுமே பெய்துள்ளதாக சுட்டிக் காட்டப்பட்டுள்ளது.

அரசு மற்றும் அரசு உதவிப்பெறும் பள்ளிகளில் நூலகம் அமைக்க வேண்டும் Jul 29, 2019 நூலகம் இல்லாத அரசு மற்றும் அரசு உதவிப்பெறும் பள்ளிகளில் கூடுதலாக உள்ள வகுப்பறையில் புதிய நூலகம் அமைக்க பள்ளிக்கல்வித்துறை உத்தரவிட்டுள்ளது. இது தொடர்பாக தமிழ்நாடு பள்ளிக்கல்வி இயக்குநர் வெளியிட்டுள்ள செய்திக்குறிப்பில், ஏற்கனவே பெரும்பாலான பள்ளிகளில் நூலகங்கள் உள்ளதாகவும், நூலகம் இல்லாத மற்ற பள்ளிகளில் நூலகங்களை உருவாக்க வேண்டும் என்றும், அதற்கான வழிகாட்டு நெரிமுறைகளை வெளியிட்டுள்ளது. அதன்படி, ஒவ்வொரு அரசு பள்ளிகளிலும் குறைந்தபட்சம் ஆயிரம் புத்தகங்கள் உள்ள வகையில், நூலகம் செயல்பட வேண்டும், இந்த நூலகங்களில் தமிழ் மற்றும் ஆங்கில செய்திதாள்களை மாணவர்கள் படிக்க ஏற்பாடு செய்ய வேண்டும் என்றும், இதற்கென தனியாக ஒரு ஆசிரியரை நியமித்து மாணவர்களின் பேச்சுத்திறன், எழுத்துத்திறன், வாசிப்பு திறனை ஆகியவற்றை அதிகரிக்க வேண்டும் என்றும் அறிவுறுத்தப்பட்டுள்ளது. மாணவர்களுக்கு நூலகத்தில் உள்ள நூல்களை படிக்க குறிப்பிட்ட நேரத்தை ஒதுக்க வேண்டும் என்றும், இந்த பணிகளை முதன்மை கல்வி அலுவலர்கள் மற்றும் மாவட்ட கல்வி அலுவலர்கள்...

முத்தலாக் தடை மசோதா மாநிலங்களவையில் இன்று தாக்கல் Jul 30, 2019 முத்தலாக் தடை மசோதா மக்களவையில் ஏற்கனவே நிறைவேற்றப்பட்டுள்ள நிலையில், மாநிலங்களவையில் இன்று தாக்கல் செய்யப்படுகிறது. மக்களவையில் கடந்த 25ந் தேதி தாக்கல் செய்யப்பட்ட முத்தலாக் தடை மசோதா எதிர்க்கட்சிகளின் பலத்த எதிர்ப்புக்கு இடையே நிறைவேற்றப்பட்டது. இந்த மசோதாவுக்கு எதிர்ப்புத் தெரிவித்த காங்கிரஸ், திமுக, திரிணாமூல் காங்கிரஸ், ஐக்கிய ஜனதாதளம் உள்ளிட்ட எதிர்கட்சிகள் மசோதாவை நாடாளுமன்றக் குழுவுக்கு அனுப்பவேண்டும் என்ற கோரிக்கையை மத்திய அரசு நிராகரித்ததால் எதிர்கட்சிகள் அனைத்தும் வெளிநடப்பு செய்தன. வாக்கெடுப்பில் முத்தலாக் தடை மசோதாவுக்கு மக்களவையில் 302 வாக்குகள் ஆதரவாகவும், 82 வாக்குகள் எதிராகவும் பதிவாகின. இதையடுத்து பெரும்பான்மை வாக்குகளுடன் மசோதா நிறைவேறியது. இந்நிலையில், முத்தலாக் தடை மசோதா மாநிலங்களவையில் இன்று தாக்கல் செய்யப்படுகிறது. இதற்காக பாஜகவைச் சேர்ந்த எம்பிக்கள் தவறாது வரவேண்டும் என பா.ஜ.க. சார்பில் கொறடா உத்தரவு பிறப்பிக்கப்பட்டுள்ளது. தேசிய ஜனநாயகக் கூட்டணியில் சேராத கட்சிகளின் ஒத்துழைப்போடு மசோதாவை...

சந்திரயான்-2 விண்கலத்தின் சுற்றுவட்டப்பாதை உயரம் அதிகரிப்பு Jul 29, 2019 சந்திரயான்-2 விண்கலத்தின் சுற்றுவட்டப் பாதையின் உயரம் மூன்றாவது முறையாக உயர்த்தப்பட்டுள்ளது. கடந்த 22-ஆம் தேதி விண்ணில் ஏவப்பட்ட அந்த விண்கலம், பூமிக்கு அருகே குறைந்த பட்சமாக 170 கிலோ மீட்டர் தூரத்திலும் அதிக பட்சமாக 45,475 கிலோ மீட்டர் தூரத்திலும், நீள் வட்டப்பாதையில் சுற்றி வரத் தொடங்கியது. இந்நிலையில் கடந்த 24-ஆம் தேதி அதன் சுற்றுப்பாதையின் குறைந்த பட்ச உயரம் 230 கிலோ மீட்டராகவும், அதிக பட்ச உயரம் 45162 கிலோ மீட்டராகவும் உயர்த்தப்பட்டது. இரண்டாவது முறையாக 26-ஆம் தேதி சுற்றுவட்ட பாதையின் குறைந்த பட்ச உயரம் 250 கிலோ மீட்டராகவும், அதிக பட்ச உயரம் 54,689 கிலோ மீட்டராகவும் உயர்த்தப்பட்டது. இந்நிலையில் இன்று சுற்று வட்டபாதையின் குறைந்த பட்ச உயரம் 268 கிலோ மீட்டராகவும், அதிக பட்ச உயரம் 71,558 கிலோ மீட்டராகவும் உயர்த்தப்பட்டுள்ளது. இதே போன்று வருகிற 2, 6, மற்றும் 14 ஆம் தேதிகளிலும் மேலும் மூன்று முறை சுற்றுவட்டப்பாதையின் உயரம் உயர்த்தப்பட உள்ளது. 14-ஆம் தேதி அன்று சுற்று வட்டப்பாதையின் குறைந்த பட்ச உ...

எஸ்பிஐ வங்கி டெபாசிட் தொகைக்கான வட்டி விகிதம் குறைப்பு Jul 29, 2019 நாட்டின் மிகப்பெரிய பொதுத்துறை வங்கியான, பாரத ஸ்டேட் வங்கி, டெபாசிட்களுக்கான வட்டி விகிதங்களை குறைத்திருப்பதாக அறிவித்துள்ளது. 179 நாட்களுக்கு உட்பட்ட குறுகிய கால டெபாசிட் திட்டங்களுக்கான வட்டி விகிதம் 0.5 சதவீதத்தல் இருந்து 0.75 சதவீதம் குறைக்கப்படுவதாக தெரிவிக்கப்பட்டுள்ளது. அதே போன்று நீண்ட கால டெபாசிட் திட்டங்களுக்கான வட்டி விகிதம் 0.2 சதவீதம் முதல் 0.35 சதவீதம் வரை குறைக்ப்படுவதாக அறிவிக்கப்பட்டுள்ளது. 2 கோடிக்கு மேற்பட்ட மொத்த டெபாசிட் தொகைக்கான வட்டி விகிதமும் குறைக்கப்பட்டுள்ளது. வரும் ஆகஸ்ட் ஒன்றாம் தேதி முதல் இந்த வட்டி குறைப்பு அமலுக்கு வரும் என்று எஸ்பிஐ வங்கி தெரிவித்துள்ளது. பணப்புழக்கம் அதிகரிப்பு போன்ற காரணங்களால் ஏற்கனவே எச்டிஎப்சி வங்கி, ஆக்சிஸ் வங்கி, பஞ்சாப் நேஷனல் வங்கி போன்றவை டெபாசிட் தொகைக்கான வட்டி விகிதத்தை குறைத்துள்ளன. நடப்பு ஆண்டில் மட்டும் வங்கிகளுக்கு வழங்கும் கடனுக்கான ரெப்போ வட்டி விகிதத்தை 0.75 சதவீதம் ரிசர்வ் வங்கி குறைத்துள்ளது குறிப்பிடத்தக்கது. 

ஃபிலிப்கார்டின் முதல் ஆஃப்லைன் ஃபர்னிச்சர் மையம் Jul 29, 2019 ஃபிலிப்கார்ட் நிறுவனம் பெங்களூருவில் ஆஃப்லைன் மையத்தை திறக்கவுள்ளதாக அறிவித்துள்ளது. ஃபிலிப்கார்டின் ஃபர்னிச்சர் பிரிவில் விற்பனையை அதிகரிக்கும் பொருட்டு ஃபர்னிசுயூர் (FurniSure) எனும் மையம் பெங்களுரூவில் திறக்கப்படவுள்ளது. ஆயிரத்து 800 சதுர அடிப் பரப்பளவில், ஃபிலிப்கார்ட் நிறுவனம் தொட்டுணர்ந்து பார்த்துத் தேர்ந்தெடுக்கும் வகையில் அறைகலன்களைக் காட்சிப்படுத்தவுள்ளது. மேலும், அந்த குறிப்பிட்ட அறைகலனை கூகுள் லென்ஸ் மூலம் புகைப்படம் எடுப்பதன் மூலம் அதை ஆன்லைனில் ஆர்டர் செய்து பெற்றுக் கொள்ளலாம். அறைகலன்களை வாங்கும் வாடிக்கையாளர்கள் பெரும்பாலும் அதை நேரில் பார்த்து வாங்க விரும்பும் சூழலில், வாடிக்கையாளர்களை மையப்படுத்தி இயங்கும் தங்கள் நிறுவனம் இந்த நடவடிக்கையை மேற்கொண்டிருப்பதாக ஃபிலிப்கார்ட் நிறுவனம் கூறியுள்ளது.

5ஜி தொழில்நுட்பத்தை மேம்படுத்தி காப்புரிமை பெற நடவடிக்கை Jul 28, 2019 5 ஜி தொழில்நுட்பத்தை மேம்படுத்தி, அதற்கான காப்புரிமையை இந்தியா பெறுவதற்கான நடவடிக்கைகள் எடுக்கப்பட்டு வருவதாக மத்திய தகவல் தொலைதொடர்புத்துறை அமைச்சர் ரவிசங்கர் பிரசாத் தெரிவித்துள்ளார். 5 ஜி தொழில்நுட்பத்தை அறிமுகப்படுத்த அமெரிக்கா, ஜப்பான் உள்ளிட்ட வளர்ந்த நாடுகள் முனைப்பு காட்டி வருகின்றன. இந்தியாவும் 5ஜி தொழில்நுட்பத்தைமேம்படுத்தும் நடவடிக்கையில் இறங்கியுள்ளது. இதுகுறித்து பேசிய மத்திய அமைச்சர் ரவிசங்கர் பிரசாத், பொதுமக்களுக்கு 5ஜி சேவை வழங்குவது மட்டுமே மத்திய அரசின் குறிக்கோள் அல்ல என்றும், 5ஜி தொழில்நுட்பத்தை மேம்படுத்தி அதற்கான காப்புரிமையை பெற நடவடிக்கை எடுக்கப்படும் எனவும் தெரிவித்தார். வீடுகளில் உள்ள மின்சாதனங்களை எங்கிருந்து வேண்டுமானாலும் இயக்கும் வகையிலான இண்டர்நெட் ஆப் திங்ஸ் தொழில்நுட்பம், செயற்கை நுண்ணறிவு தொழில்நுட்பம் ஆகியவை மேம்படுத்தப்படும் எனவும் அவர் கூறினார். அக்டோபரில் மத்திய தகவல் தொலைதொடர்பு துறை சார்பில், இந்தியாவில் நடைபெறவுள்ள தொழில்நுட்ப மாநாட்டில், 40 நாடுகளை சேர...

  Sony in new launched portable AC....                                                                           

வாகனப் பதிவுக் கட்டணம் உயருகிறது Jul 27, 2019 மின்சாரத்தில் இயங்கும் வாகனங்களின் பயன்பாட்டை ஊக்கப்படுத்தும் விதமாக டீசல் மற்றும் பெட்ரோலில் இயங்கும் வாகனங்களின் பதிவு மற்றும் புதுப்பிக்கும் தொகையை பல மடங்கு உயர்த்த மத்திய அரசு திட்டமிட்டுள்ளது. எரிபொருளில் இயங்கும் வாகனங்களின் பயன்பாட்டைக் குறைக்கும் வகையிலும், மின்சாரத்தில் இயங்கும் வாகனங்களின் எண்ணிக்கையையும், பயன்பாட்டையும் அதிகரிக்கும் வகையிலும் வாகனப் பதிவுக் கட்டணங்களை பல மடங்கு உயர்த்த மத்திய சாலைப் போக்குவரத்து அமைச்சகம் திட்டமிட்டுள்ளது. இதற்காக புதிய வாகனங்கள் பதிவு மற்றும் மறு பதிவிற்கான கட்டணங்கள் கடுமையாக உயர்த்தப்பட உள்ளன. இதன்படி இலகு ரக கார்களுக்கான பதிவுக்கட்டணம் 600 ரூபாயில் இருந்து 5 ஆயிரம் ரூபாயாக உயர்த்த திட்டமிடப்பட்டுள்ளது. மேலும் வாகன புதுப்பிப்புக் கட்டணத்தை 2 ஆயிரம் ரூபாயில் இருந்து 10 ஆயிரம் ரூபாயாக உயர்த்தவும் முடிவு செய்யப்பட்டுள்ளது. இதேபோல் இருசக்கர வாகனங்களுக்கான பதிவு கட்டணத்தையும் உயர்த்த மத்திய அரசு முடிவு செய்துள்ளது. அதன்படி தற்போது 50 ரூபாயாக இருக்கும் பதிவுக் கட்டணம் புதிய விதிகளின் ப...

உடலுக்கு ஆபத்தானதா அஜினோ மோட்டோ ? மருத்துவர் சொல்வது என்ன? Jul 27, 2019 சூப் மற்றும் துரித உணவுகளில் சேர்க்கப்படும் அஜினோமோட்டாவால், உடல் நலத்திற்கு எந்த கேடும் நேராது என்று, ஜப்பான் நிறுவனம் தெரிவித்திருந்த நிலையில், அஜினோமோட்டா சேர்க்கப்பட்ட உணவை உண்பதால், நரம்புத் தளர்ச்சி- ஜீரணக் கோளாறு உள்ளிட்ட பாதிப்புக்கள் ஏற்படும் என ஆய்வில் தெரியவந்துள்ளதாக மருத்துவர்கள் எச்சரித்துள்ளனர்.

இந்திய கிரிக்கெட் அணி வீரர்களுக்கான அடுத்த பயிற்சியாளர்? Jul 26, 2019 இந்திய கிரிக்கெட் அணி வீரர்களுக்கான அடுத்த பயிற்சியாளரைத் தேர்ந்தெடுக்கும் ஆலோசனை குழுவானது கபில் தேவ் தலைமையில் அமையும் என கிரிக்கெட் நிர்வாகக் கமிட்டியான சிஏசி அறிவித்துள்ளது. தற்போதுள்ள பயிற்சியாளர் ரவி சாஸ்திரியின் பதவிக்காலம் மேற்கிந்தியத் தீவு பயணத்தை ஒட்டி ஆகஸ்ட் 3 முதல் செப்டம்பர் 3 வரை நீட்டிக்கப்பட்டுள்ளது. இந்நிலையில், அடுத்த பயிற்சியாளருக்கு நேர்முகத் தேர்வு வைத்து தேர்ந்தெடுக்க மூவர் கொண்ட ஆலோசனைக் குழு அமைக்கப்பட்டுள்ளது. முன்னாள் கேப்டன் கபில்தேவ் தலைமையிலான குழுவில், பெண்கள் கிரிக்கெட் அணியின் முன்னாள் தலைவி சாந்தா ரங்கசாமி, ஆண்கள் கிரிக்கெட் அணியின் முன்னாள் பயிற்சியாளர் அன்சுமான் கேய்க்வாட்டும் இடம் பெற்றுள்ளனர்.

4 ஆவது முறையாக கர்நாடக முதலமைச்சராக எடியூரப்பா பதவியேற்பு Jul 26, 2019 கர்நாடக மாநில முதலமைச்சராக பா.ஜ.க. தலைவர் எடியூரப்பா மீண்டும் பதவி ஏற்றுக் கொண்டார். அவருக்கு ஆளுநர் வஜூபாய் வாலா பதவி பிரமாணமும் , ரகசிய காப்பு பிரமாணமும் செய்து வைத்தார். கர்நாட மாநிலத்தில் குமராசாமி தலைமையிலான கூட்டணி அரசு கடந்த 23 ஆம் தேதி அன்று நடைபெற்ற நம்பிக்கை வாக்கெடுப்பில் தோல்வி அடைந்தது. இதையடுத்து முதலமைச்சர் பதவியை குமாரசாமி ராஜினாமா செய்தார். இந்நிலையில் அந்த மாநிலத்தில் ஆட்சி அமைக்க பாரதிய ஜனதா கட்சி முயற்சி மேற்கொண்டது. காலையில் கர்நாடக மாநில பா.ஜ.க. தலைவர் எடியூரப்பா, மாநில ஆளுநர் வஜூபாய் வாலாவை சந்தித்து ஆட்சி அமைக்க உரிமை கோரினார். இதையடுத்து அவரை ஆட்சி அமைக்க வருமாறு ஆளுநர் அழைப்பு விடுத்த தை அடுத்து, உடனடியாக பதவி ஏற்பு விழாவுக்கு ஏற்பாடுகள் செய்யப்பட்டன. மாலை 5 மணி அளவில் தமது வீட்டில் இருந்து புறப்பட்ட எடியூரப்பா, பா.ஜ.க தலைமை அலுவலகத்திற்கு வந்தார். அங்கு கட்சி முன்னணியினருடன் சிறிது நேரம் ஆலோசனையில் ஈடுபட்ட அவர், அங்கிருந்து ஆளுநர் மாளிகைக்கு புறப்பட்டார். செல்லும் வழியில் உள...

மேட்டூர் அணைக்கு விநாடிக்கு 7 ஆயிரத்து 200 கனஅடி வீதம் தண்ணீர் வரத்து Jul 26, 2019 மேட்டூர் அணைக்கு நீர்வரத்து இன்று காலை நிலவரப்படி விநாடிக்கு 7 ஆயிரத்து 200 கனஅடியாக உள்ளது. அணையின் நீர்மட்டம் ஒரே நாளில் 1 அடி உயர்ந்துள்ளது. மேட்டூர் அணைக்கு இன்று காலை நிலவரப்படி விநாடிக்கு 7 ஆயிரத்து 200 கன அடி தண்ணீர் வந்து கொண்டிருக்கிறது. அணையில் இருந்து குடிநீர் தேவைக்காக காவிரி ஆற்றில் விநாடிக்கு ஆயிரம் கன அடி தண்ணீர் திறந்து விடப்பட்டுள்ளது. அணைக்கு வரும் நீரைவிட, அணையில் இருந்து குறைந்த அளவே தண்ணீர் திறந்து விடப்படுவதால் நீர்மட்டம் வேகமாக உயர்ந்து வருகிறது. நேற்று 41.15 அடியாக இருந்த நீர் மட்டம் ஒரே நாளில் 1 அடி உயர்ந்து 42.15 அடியாக அதிகரித்தது. இனி வரும் நாட்களில் காவிரி நீர் பிடிப்பு பகுதிகளில் மழை அதிகரிக்கும் பட்சத்தில் மேட்டூர் அணைக்கு நீர் வரத்து மேலும் அதிகரிக்கும். அப்போது நீர் மட்டம் வேகமாக உயர வாய்ப்புள்ளது. மேட்டூர் அணையின் நீர்த்தேக்க பகுதியில் உள்ள அடிபாலாறு, பண்ணவாடி பகுதிகளில் காவிரி ஆற்றில் நுரையுடன் தண்ணீர் பெருக்கெடுத்து ஓடுகிறது. நீர் வரத்து அதிகரித்ததால் செ...

இலங்கை நகைக்கடையில் காட்சிப்படுத்தப்பட்டுள்ள நீல நிற கல்..! Jul 25, 2019 இலங்கையில், நவ ரத்தினங்களில் ஒன்றான 332 கேரட் எடை கொண்ட நீல நிற கல் பொதுமக்களுக்கு காட்சிப்படுத்தப்பட்டுள்ளது. டையஷ் ஜிவல்லரி நிறுவனத்துக்கு சொந்தமான இந்த நீலக்கல், தங்கத்தில் செய்த கிரீடத்தின் உச்சியில் பதிக்கப்பட்டுள்ளது. ப்ளூ சாப்பைர்ஸ் என்றழைக்கப்படும் இந்த நீலக் கல்லானது, 17 கோடி ரூபாய்க்கு அதிகமான தொகைக்கு விலை போகும் என எதிர்பார்க்கப்படுகிறது. தற்போது இந்த நீலக்கல் இலங்கையில் உள்ள காண்டி (Kandy) நகரில் வைக்கப்பட்டுள்ளதாக தெரிவிக்கும் டையஷ் ஜூவல்லரி நிறுவனத்தின் இயக்குனர் அயேஷ் டீ போன்சேகா என்பவர், இதுபோல் மேலும் பல வித நவரத்தின கற்கள் வங்கி லாக்கர் மற்றும் அருங்காட்சியங்களில் வைத்து பாதுகாத்து வருவதாக தெரிவித்துள்ளார்.

மடித்து வைக்கும் வகையிலான போன்கள் விற்பனைக்கு தயார் - சாம்சங் Jul 25, 2019 சாம்சங் நிறுவனத்தின் மடித்து வைக்க கூடிய வகையிலான கேலக்சி ஃபோல்ட் (fold) போன்கள் வரும் செப்டம்பர் மாதம் முதல் விற்பனைக்கு வரும் என்று அறிவிக்கப்பட்டுள்ளது. சாம்சங் நிறுவனம் உருவாக்கி உள்ள இரண்டாக மடிக்க கூடிய கேலக்சி ஃபோல்ட் போன்கள் கடந்த ஏப்ரல் 26ஆம் தேதி முதல் விற்பனைக்கு வரும் என அறிவிக்கப்பட்டிருந்தது. பின்னர் அந்த போன்களில் சில மாற்றங்கள் செய்ய வேண்டி இருப்பதாக விற்பனையை சாம்சங் நிறுவனம் ஒத்திவைத்தது. அதன் படி தற்போது அந்த போன்கள் மறுவடிவமைக்கப்பட்டு விற்பனைக்கு தயாராக இருப்பதாகவும், செப்டம்பர் மாதம் முதல் சந்தையில் கேலக்சி ஃபோல்ட் போன்கள் விற்பனைக்கு வர உள்ளதாகவும் சாம்சங் நிறுவனம் அறிவித்துள்ளது. எனினும் விற்பனை தொடங்கும் தேதியை சாம்சங் நிறுவனம் அறிவிக்கவில்லை. முன்பே அறிவிக்கப்பட்டது போல அந்த போன்கள் கிட்டத்தட்ட ஒரு லட்சத்து 37 ஆயிரம் ரூபாய்க்கு விற்கப்பட உள்ளது.போனின் ஸ்கிரீனில் தூசி நுழைந்துவிடாதபடியும், மடிப்புகளில் தூசி தங்காத வகையிலும் வடிவமைப்பை மாற்றவே விற்பனை ஒத்திவைக்கப்பட்டுள்ளது த...

நீட் தேர்வால் தகுதியான மருத்துவர்கள் உருவாகின்றனர் - சின்னி ஜெயந்த் Jul 25, 2019 சென்னை ஸ்டான்லி அரசு மருத்துவக் கல்லூரியில் இரைப்பை, குடல் மற்றும் கல்லீரல் மருத்துவத் துறை சார்பில் புதிய செயலி அறிமுகப்படுத்தப்பட்டது. உலகம் முழுவதும் 32 கோடி பேர் மஞ்சள் காமாலையால் பாதிக்கப்பட்டுள்ளதாக உலக சுகாதார நிறுவனம் கூறியுள்ளது. 2017ஆம் ஆண்டில் மட்டும் 28 லட்சம் பேர் மஞ்சள் காமாலையால் பாதிக்கப்பட்டதாக அந்த நிறுவனத்தின் புள்ளிவிவரங்கள் தெரிவித்துள்ளன. கொடிய நோய்களில் ஒன்றான மஞ்சள் காமாலை குறித்த உலக விழிப்புணர்வு தினம் வரும் 28ஆம் தேதி கொண்டாடப்படுகிறது. இதை முன்னிட்டு சென்னை ஸ்டான்லி அரசு மருத்துவக் கல்லூரி மருத்துவமனையில் என்ற செயலி அறிமுகப்படுத்தப்பட்டது. சிறப்பு அழைப்பாளராக கலந்து கொண்ட நடிகர் சின்னி ஜெயந்த், செயலியை அறிமுகம் செய்து வைத்தார். குடல், கல்லீரல், இரைப்பையுடன் தொடர்புடைய மஞ்சள் காமாலையின் அறிகுறிகள், கட்டுப்படுத்தும் வழிமுறைகள் குறித்த விவரங்கள் தமிழிலும், ஆங்கிலத்திலும் அந்தச் செயலியில் இடம்பெற்றுள்ளன. செயலியை அறிமுகம் செய்து வைத்த பின்னர் செய்தியாளர்களிடம் பேசிய சி...

பொருளாதாரத்தில் பின் தங்கிய உயர் வகுப்பினருக்கு கட் ஆப் மதிப்பெண் 28 Jul 24, 2019 எஸ்.பி.ஐ. வங்கி கிளர்க் தேர்வில் குறைந்தபட்ச கட் ஆப் மதிப்பெண் பொதுப்பிரிவினருக்கு இணையாக ஓ.பி.சி மற்றும் எஸ்.சி. மாணவர்களுக்கு 61.25 ஆக நிர்ணயிக்கப்பட்டுள்ள நிலையில் பொருளாதாரத்தில் பின் தங்கிய உயர் வகுப்பினருக்கு 28-ஆக அறிவிக்கப்பட்டுள்ளது. எஸ்.பி.ஐ. வங்கியின் 8653 கிளர்க் காலிப் பணியிடங்களுக்கான தேர்வு கடந்த மாதம் 22, 23 மற்றும் 30 ஆகிய தேதிகளில் நடைபெற்றது இந்த தேர்வு முடிவுகள் நேற்று மாலை www.sbi.co.in என்ற இணையதளத்தில் வெளியிடப்பட்டன. இதில் மத்திய அரசால் கொண்டுவரப்பட்ட பொருளாதாரத்தில் பின் தங்கிய உயர் வகுப்பினருக்கான 10 சதவீத இட ஒதுக்கீட்டு முறை பின்பற்றப்பட்டுள்ளது. இதன்படி முதல் நிலைத் தேர்வு எழுதியவர்கள் அடுத்த கட்டமான மெயின் தேர்வுகளுக்கு தேர்ச்சி பெற கட் ஆஃப் மதிப்பெண் பொருளாதாரத்தில் பின் தங்கிய உயர் வகுப்பினருக்கு 28-ஆக நிர்ணயிக்கப்பட்டுள்ளது. பொதுப்பிரிவினர், எஸ்.சி. மற்றும் ஓ.பி.சி. பிரிவினருக்கு 61.25-ஆகவும் எஸ்.டி. பிரிவினருக்கு 53.75 ஆகவும் நிர்ணயிக்கப்பட்டுள்ளது. முதல் நில...

ஹூண்டாய் நிறுவனத்தின் கோனா எலக்ட்ரிக் கார் அறிமுகம்

ஆகஸ்ட் 20ல் சந்திரயான் 2 நிலவின் சுற்றுவட்டப்பாதையை அடையும் Jul 24, 2019 சந்திரயான் 2 விண்கலம் ஆகஸ்ட் 20ந் தேதி நிலவின் சுற்றுவட்டப் பாதையை அடையும் என இஸ்ரோ தெரிவித்துள்ளது. நிலவின் தென் பகுதியில் ஆய்வு நடத்துவதற்காக சந்திரயான் 2 விண்கலம் கடந்த திங்கட்கிழமை விண்ணில் செலுத்தப்பட்டது. இந்த நிலையில் திட்டமிட்டபடி சந்திரயான் விண்கலத்தின் சுற்றுவட்டப்பாதை வெற்றிகரமாக அதிகரிக்கப்பட்டுள்ளதாக இஸ்ரோ தெரிவித்துள்ளது. புவி வட்டப்பாதையில் 230 கிலோ மீட்டர் விட்டத்தில் 45 ஆயிரத்து 163 கிலோ மீட்டர் உயரத்தில் விண்கலம் வலம் வரும் என்று தெரிவிக்கப்பட்டுள்ளது. இரண்டாவது கட்டமாக வரும் 26 ஆம் தேதி சந்திரயான் விண்கலத்தின் சுற்றுவட்டப்பாதை அதிகரிக்கப்படும் என்றும் குறிப்பிடப்பட்டுள்ளது. புவி வட்டப் பாதையில் சுற்றி வரும் சந்திரயான் விண்கலம், ஆகஸ்ட் 14 ஆம் தேதி புவி வட்டப்பாதையில் இருந்து விலகி, ஆகஸ்ட் 20 ஆம் தேதி நிலவின் சுற்று வட்டப்பாதைக்குள் செல்லும் என்று இஸ்ரோ அறிவித்துள்ளது.

மேட்டூர் அணைக்கான நீர் வரத்து கிடுகிடு உயர்வு Jul 23, 2019 கர்நாடக அணைகளில் இருந்து தண்ணீர் திறக்கப்பட்டுள்ளதால் மேட்டூர் அணைக்கு தண்ணீர் வரத்து வினாடிக்கு 7 ஆயிரம் கன அடியாக அதிகரித்துள்ளது. கர்நாடக மாநிலத்தின் கிருஷ்ணராஜ சாகர் மற்றும் கபினி அணைகளின் நீர்ப்பிடிப்பு பகுதிகளில் கனமழை காரணமாக அந்த அணைகளுக்கு நீர் வரத்து அதிகரித்துள்ளது. இதையடுத்து, முன்னெச்சரிக்கை நடவடிக்கையாகவும், மாண்டியா மாவட்ட கரும்பு விவசாயிகளின் கோரிக்கையை ஏற்றும், கிருஷ்ணராஜசாகர், கபினி அணைகளில் இருந்து மொத்தம் வினாடிக்கு 8,300 கன அடி தண்ணீர் திறந்து விடப்பட்டுள்ளது. இந்த தண்ணீர் இன்று மேட்டூர் அணையை வந்தடைந்தது. இன்று காலைல் நிலவரப்படி வினடிக்கு 1500 கன அடியாக இருந்த நீர்வரத்து பிற்பகலுக்குப் பின் 7 ஆயிரம் அடியாக உயர்ந்தது. அணையில் இருந்து குடிநீர் தேவைக்காக வினாடிக்கு 1000 கன அடி தண்ணீர் திறந்து விடப்படுகிறது. நீர் வரத்தை விட நீர் வெளியேற்றம் வெகு குறைவு என்பதால் மேட்டூர் அணை நீர்மட்டம் உயர வாய்ப்பு ஏற்பட்டுள்ளது.

மேட்டூர் வந்தடைந்தது காவிரி நீர்.. Jul 23, 2019 கர்நாடக அணைகளில் இருந்து திறக்கப்பட்ட காவிரிநீர் மேட்டூர் அணையை வந்தடைந்தது. பில்லிகுண்டுலுவுக்கு நீர்வரத்து 7 ஆயிரம் கனஅடியாக அதிகரித்துள்ளது. காவிரி நீர்பிடிப்பு பகுதிகளில் பெய்துவரும் கனமழை காரணமாக, கர்நாடக மாநிலத்தில் உள்ள கிருஷ்ணராஜ சாகர், கபினி அணைகளுக்கு நீர்வரத்து அதிகரித்துள்ளது. இதையடுத்து, இரு அணைகளில் இருந்தும் விநாடிக்கு 8 ஆயிரத்து 300 கனஅடி வீதம் காவிரியில் தண்ணீர் திறந்து விடப்பட்டுள்ளது. கர்நாடகா அணைகளில் இருந்து திறந்து விடப்பட்டுள்ள தண்ணீர், நேற்று அதிகாலை பிலிகுண்டுலு வழியாக ஒகேனக்கல் வந்தடைந்தது. இந்த தண்ணீர் இன்று காலை மேட்டூர் அணையை வந்தடைந்தது. மேட்டூர் அணைக்கு, நேற்று 213 கனஅடியாக இருந்த நீர்வரத்து, இன்று காலை நிலவரப்படி வினாடிக்கு 1,500 கன அடியாக அதிகரித்துள்ளது. அணையில் இருந்து குடிநீர் தேவைக்காக 1,000 கனஅடி தண்ணீர் திறந்து விடப்படுகிறது. இதனிடையே, பிலிகுண்டுலுவுக்கு நீர்வரத்து 7 ஆயிரம் கனஅடியாக அதிகரித்துள்ளது. காவிரி நீர்பிடிப்பு பகுதிகளில் தொடர்ந்து மழை பெய்து வருவதால், தமிழகத்திற்கு நீர்வரத்து ம...

இந்திய பங்குச்சந்தையில் வர்த்தகம் தொடர்ந்து இறங்குமுகம் Jul 22, 2019 இந்திய பங்குச்சந்தைகளில் ஏற்பட்ட தொடர் சரிவால், கடந்த 3 வர்த்தக தினங்களில் முதலீட்டாளர்களுக்கு 4 லட்சம் கோடி ரூபாய்க்கு மேல் இழப்பு ஏற்பட்டுள்ளது. மத்திய பட்ஜெட்டில் இடம்பெற்ற அறிவிப்புகள் முதலீட்டாளர்களை கவராததால் சந்தை தொடர்ந்து இறங்குமுகமாகவே உள்ளது. சர்வதேச பொருளாதார மந்தநிலை, எதிர்பார்த்த அளவுக்கு நிறுவனங்களின் முதல் காலாண்டு முடிவுகள் இல்லாதது போன்ற பல்வேறு காரணிகளால் 3 நாட்களில் 3 சதவீதத்திற்கு மேல் சந்தை இறக்கம் கண்டுள்ளது. வாரத்தின் முதல் நாளில் மும்பை பங்குச்சந்தை குறியீட்டு எண் சென்செக்ஸ் 305 புள்ளிகளும், தேசிய பங்குச்சந்தை குறியீட்டு எண் நிப்டி 73 புள்ளிகளும் இறங்கின. முதலீட்டாளர்கள் பங்குகளை விற்று தள்ளியதால் பட்டியலிடப்பட்டுள்ள நிறுவனங்களின் சிறு, குறு நிறுவனங்கள் மட்டுமின்றி பெரிய நிறுவனங்களின் பங்கு விலைகளும் தாறுமாறாக சரிந்தன. இதனால் கடந்த 3 வர்த்தக நாட்களில் மட்டும் பங்குச்சந்தை முதலீட்டாளர்களுக்கு 4 லட்சத்து 37 ஆயிரம் கோடி ரூபாய் இழப்பு ஏற்பட்டுள்ளது. மும்பை பங்குச்சந்தையின் மதிப்பு ...

சந்திரயான் 2-யை அடுத்து சூரியனை ஆராய இஸ்ரோ திட்டம் Jul 22, 2019 சந்திரயான்-2- யை தொடர்ந்து அடுத்த ஆண்டில் சூரியனின் வெளிப்பரப்பை ஆராய விண்கலத்தை அனுப்ப இஸ்ரோ திட்டமிட்டுள்ளதாக அந்த நிறுவனத்தின் தலைவர் சிவன் தெரிவித்துள்ளார். சந்திரயான்-2 விண்கலத்தை வெற்றிகரமாக விண்ணில் நிலைநிறுத்தி உள்ள இஸ்ரோ அடுத்த கட்டமாக சூரியனை ஆராயும் திட்டத்தில் கவனத்தை திருப்பி உள்ளது. இதற்காக ஆதித்யா - எல்.1 என்ற செயற்கை கோளை அடுத்த ஆண்டு முதல் ஆறு மாதங்களுக்குள் விண்ணுக்கு அனுப்ப இஸ்ரோ திட்டமிட்டுள்ளது. பூமியில் இருந்து சுமார் 15 லட்சம் கிலோ மீட்டர் தூரத்தில் உள்ள சூரியனின் வெளிப்பரப்பை ஆராய்வதே இந்த விண்கலம் அனுப்புவதின் நோக்கமாகும். சூரியனின் வெளிப்புறத்தை கரோனா என்று விஞ்ஞானிகள் அழைக்கின்றனர். சூரியனின் மையத்தில் இருந்து பல்லாயிரம் கிலோ மீட்டர் தூரத்திற்கு விசிறி அடிக்கப்படும் வெப்ப அலைகள், அதன் வெளிவட்டத்தில் நின்று அனல் வீசி வருகின்றன. பல லட்சம் ஆண்டுகளாக தொடர்ந்து அனல் வீசி வரும் இந்த வெளிப்பரப்பில் ஏற்படும் மாற்றங்களால் பூமியில் சுற்றுச்சூழலும் மாறுகிறது. இதனால் கரோனா பரப்பை ஆராய்வதன் மூல...

இந்திய ராணுவத்தில் பயிற்சிபெற செல்லும் தோனி Jul 22, 2019 இந்திய ராணுவத்தில் இணைந்து பயிற்சி பெற தோனிக்கு ராணுவ தளபதி பிபின் ராவத் அனுமதி வழங்கியிருப்பதாக தகவல் வெளியாகியுள்ளது. ராணுவத்தில் கவுரவ லெப்டினன்ட் கர்னல் பதவியில் இருந்துவரும் தோனி, அவ்வப்போது ராணுவ வீரர்களுடன் உரையாடுவதை வழக்கமாக கொண்டுள்ளார். இந்நிலையில் ராணுவ குழுவுடன் பயிற்சி மேற்கொள்ள அவர் அனுமதி கேட்டதாகவும் அதற்கு ராணுவத் தளபதி அனுமதி வழங்கியிருப்பதாகவும் தகவல் வெளியாகியுள்ளது. ராணுவ வீரர்களுடன் ஜம்மு காஷ்மீரின் ஒருபகுதியில் அவர் பயிற்சி பெறலாம் என்றும், அதே நேரத்தில் ராணுவ நடவடிக்கையில் பங்குபெற அவருக்கு அனுமதி வழங்கப்படாது எனவும் ராணுவ தரப்பு தகவல்கள் வெளியாகியுள்ளன. மேற்கிந்திய தீவுகளுக்கு எதிரான இந்திய அணி நேற்று அறிவிக்கப்பட்ட நிலையில், அதில் தோனியின் பெயர் இடம்பெறவில்லை என்பது குறிப்பிடத்தக்கது.

சந்திரயான் 2 விண்கலத்துடன் விண்ணில் பாய்ந்தது ஜிஎஸ்எல்வி மார்க் 3 Jul 22, 2019 சந்திரயான்-2 விண்கலம் வெற்றிகரமான விண்ணில் பாய்ந்தது. மேலும் ஜிஎஸ்எல்வி மார்க் 3 ராக்கெட் விண்கலத்தை வெற்றிகரமாக புவிவட்டப்பாதையில் நிலை நிறுத்தியது. நிலாவில் இறங்கி ஆய்வு நடத்தும் சந்திரயான்-2 விண்கலத்தின் கிரையோஜெனிக் எந்திரத்தின் ஹீலியம் வாயு குழாயின் வால்வில், ஏற்பட்ட கசிவு சரி செய்யப்பட்டு, மீண்டும் ஏவுவதற்கான கவுண்டவுன் நேற்று மாலை தொடங்கியது. திட்டமிட்டபடி இன்று மதியம் 2.43 மணிக்கு சந்திரயான் 2 ஜிஎஸ்எல்வி மார்க் 3 ராக்கெட்டின் மூலம் வெற்றிகரமாக விண்ணில் ஏவப்பட்டு 16 ஆவது நிமிடத்தில் புவி வட்டப் பாதையை அடைந்தது... சந்திரயான் 2 புவி வட்டப்பாதையை அடைந்த பின்னர் உரையாற்றிய இஸ்ரோ தலைவர் சிவன், இஸ்ரோவின் வரலாற்றில் இந்த திட்டம் புதிய மைல் கல் எனத் தெரிவித்தார். விஞ்ஞானிகளின் ஒருங்கிணைந்த பணியால் இந்த சாதனை சாத்தியமானது என்றும் அவர் தெரிவித்தார். கடந்த 15 ஆம் தேதி ஏற்பட்ட தொழில்நுட்ப கோளாறை சரி செய்ய அமைக்கப்பட்ட குழு 7 நாட்களாக உறங்காமல் பணியாற்றியதாகவும் இஸ்ரோ தலைவர் சிவன் குறிப்பிட்டார். நில...

அரசு கல்லூரிகளை தேர்வு செய்ய தயக்கம் காட்டும் மாணவர்கள்..! Jul 22, 2019 பொறியியல் கலந்தாய்வு நடைபெற்று வரும் சூழலில், குறைந்த கட்டணமே வாங்கப்படும் அரசு கல்லூரிகளை தேர்வு செய்ய மாணவர்கள் தயக்கம் காட்டி வருகின்றனர். அரசு கல்லூரிகளில் 6800 இடங்கள் ஏன் காலியாக உள்ளன என்பதை விளக்குகிறது இந்த செய்தி தொகுப்பு....

மெதுவாக நகரும் நத்தைகளுக்கு நடத்தப்பட்ட ஓட்டப்பந்தயம் Jul 22, 2019 நத்தை தனது சோம்பலான நகர்வினால் உலகின் மிகவும் மெதுவாக செல்லும் உயிரினமாக கருதப்படுகிறது. ஆனால் பிரிட்டனின் காங்கம் எனுமிடத்தில் ஒரு வட்ட மேஜையில் 160 நத்தைகள் கலந்துக் கொண்ட ஓட்டப்பந்தயம் நடத்தப்பட்டது. மூன்று சுற்றுகளாக நடத்தப்பட்ட இப்போட்டியில் கடைசி வெளிவட்டத்தை அடையும் நத்தைக்கும் அதன் உரிமையாளருக்கும் பரிசுகள் வழங்கப்பட்டன. ஆங்கிலம் கற்பிக்கும் ஆசிரியையான மரியா வெல்பியின் நத்தை முதலிடத்தைப்பெற்றது. samie என்ற அவருடைய நத்தை முதல் கோட்டை முதலாக தாண்டியது. 1995ம் ஆண்டு ஆர்ச்சி என்ற நத்தை 33 அங்குலம் தூரத்தை இரண்டு நிமிடம் இருபது நொடிகளில் அடைந்து கின்னஸ் சாதனை படைத்தது.

சொகுசு கார்கள் மீதான அதிகபட்ச வரிவிதிப்பு குறித்து ஜாகுவார் லேண்ட் ரோவர் நிறுவனம் கருத்து..! Jul 21, 2019 சொகுசு கார்கள் மீதான அதிகபட்ச வரிவிதிப்பு கார் விற்பனை சந்தைகளுக்கும், புதிய மாடல் கார்களை இந்தியாவில் உற்பத்தி செய்வதற்கும் தடையாக இருப்பதாக ஜாகுவார் லேண்ட் ரோவர் நிறுவனம் தெரிவித்துள்ளது. ஏற்கத்தக்க வகையில் வரிவிதிப்பு இருந்தால், மேலும் பல புதிய மாடல் கார்களை இந்தியாவிலேயே தயாரிக்க முடியும் எனவும் அந்நிறுவனத்தின் நிர்வாக இயக்குனர் ரோகித் சூரி தெரிவித்துள்ளார். ஏற்கனவே உள்நாட்டிலேயே அசெம்பிள் செய்யப்படும் 6 மாடல் கார்களை தங்கள் நிறுவனம் விற்பனை செய்து வருவதாகவும், அவற்றை மேலும் அதிகரிக்க விரும்புவதாகவும் அவர் தெரிவித்துள்ளார். பல புதிய கார்களை இந்தியாவில் அறிமுகப்படுத்தவும், அவற்றை உள்நாட்டிலேயே உற்பத்தி செய்யவும் ஆவலாக இருக்கும் போதிலும், அதிகளவிலான வரிவிதிப்பு அதற்கு தடையாக இருப்பதாகவும் ரோகித் சூரி தெரிவித்துள்ளார். மேலும் தற்போது சொகுசு கார்களுக்கு விதிக்கப்பட்டு வரும் 28 சதவீத ஜிஎஸ்டி வரி, 18 சதவீதமாக குறைக்கப்பட்டால், கார் உற்பத்தி துறை வேகம் பெறுவதற்கும், வேல...

கார்ட்டூன் கதாபாத்திரங்களின் கண்கவர் அணிவகுப்பு Jul 21, 2019 கலிபோர்னியாவின் சான் டியாகோ நகரில் நடந்த கார்ட்டூன் கற்பனை கதாபாத்திரங்களின் கண்கவர் அணிவகுப்பு பார்வையாளர்களை வெகுவாக கவர்ந்தது. சான் டியாகோ நகரில் ஆண்டுதோறும், கார்டூன் மற்றும் ஹாலிவுட் திரைப்படங்களில் இடம்பெறும் கற்பனை கதாபாத்திரங்கள் அங்குள்ள கன்வென்ஷன் மையத்தில் காட்சிப்படுத்தப்படுகிறது. அந்தவகையில் இந்தாண்டு நடைபெற்ற இந்த நிகழ்ச்சியில் ஏராளமானோர் ஹாலிவுட் கற்பனை கதாபாத்திரங்கள் மற்றும் புனைகதைகளில் உள்ள கதாபாத்திரங்கள் போல் வேடமிட்டு அணிவகுத்து நின்றனர். இதனை காண குழந்தைகளுடன் வந்த ஏராளமான பொதுமக்கள், கதாபாத்திரங்களுடன் புகைப்படம் எடுத்து மகிழ்ந்தனர். அமெரிக்காவில் அடுத்தாண்டு அதிபர் தேர்தலும் நடைபெறவுள்ளதால், அரசியல் தலைவர்கள் போல் வேடமிட்ட பலரும் அணிவகுப்பில் கலந்து கொண்டு, அவர்களுக்கு ஆதரவு திரட்டினர்.

இன்று பிற்பகல் விண்ணில் பாய்கிறது சந்திரயான்-2 விண்கலம்.... Jul 22, 2019 சந்திரயான்-2 விண்கலம் இன்று பிற்பகல் விண்ணில் ஏவப்படுவதையொட்டி, இறுதிக் கட்டப் பணிகளில் விஞ்ஞானிகள் தீவிரமாக ஈடுபட்டுள்ளனர். நிலாவில் இறங்கி ஆய்வு நடத்தும் சந்திரயான்-2 விண்கலத்தை விண்ணில் ஏவுவதற்கான முதல் முயற்சி கடந்த 15-ஆம் தேதி தொழில்நுட்ப கோளாறு காரணமாக ஒத்திவைக்கப்பட்டது. ராக்கெட்டில் கிரையோஜெனிக் எந்திரத்தின் ஹீலியம் வாயு குழாயின் வால்வில், மீக்குளிர் நிலையால் ஏற்பட்ட விரிசலால் கசிவு ஏற்பட்டது. ராக்கெட்டை பிரிக்காமல் அதில் கசிவு ஏற்பட்ட இடத்தை கம்ப்யூட்டர் தொழில் நுட்பம் மூலம் விஞ்ஞானிகள் கண்டறிந்தனர். அதனை அடைக்கும் பணிகள் மூன்று நாட்களாக நடைபெற்றன. இதையடுத்து இன்று மதியம் 2.43 மணிக்கு ராக்கெட் ஏவப்படும் என்று அறிவிக்கப்பட்டு அதற்கான ஏற்பாடுகள் முழுமையடைந்துள்ளன. இந்த நிலையில், சென்னை விமான நிலையத்தில் செய்தியாளர்களிடம் பேசிய இஸ்ரோ தலைவர் சிவன், தொழில் நுட்ப கோளாறு சரி செய்யப்பட்டு, அனைத்தும் தயார் நிலையில் உள்ளன என்றும், இனி கோளாறு ஏற்பட சாத்தியமில்லை எனவும் தெரிவித்தார். சந்திராயன் 2 வெற்றிக...

கழுகு போன்ற வடிவமைப்பு உடைய கற்பனை விமானம்..! Published : Jul 21, 2019 4:36 PM கழுகு போன்ற வடிவமைப்பை உடைய விமானத்தின் கற்பனை உருவ வீடியோவை ஏர்பஸ் நிறுவனம் வெளியிட்டுள்ளது. ராயல் இண்டர்நேசனல் ஏர் டாட்டூ என்ற விமானங்கள் கண்காட்சி பிரிட்டனின் ஃபேர்ஃபோர்ட் (fairford) நகரில் நடைபெற்று வருகிறது. இதில், பிரான்சின் விமானத் தயாரிப்பு நிறுவனமான ஏர்பஸ், கற்பனையில் உருவான விமானம் குறித்த வீடியோவை வெளியிட்டது. கழுகை மனதில் வைத்து இதை உருவாக்கியதாக ஏர்பஸ் நிறுவனம் விளக்கம் கொடுத்துள்ளது. அடுத்த தலைமுறை விமானப் பொறியாளர்களை ஊக்குவிக்கும் வகையில் இந்த வீடியோவை வெளியிட்டுள்ளதாக ஏர் பஸ் தெரிவித்துள்ளது. வெண்கல வண்ணம் பூசப்பட்ட அந்த கற்பனை விமானம், எரிபொருள் அல்லது மின்சாரத்தின் மூலம் இயங்குவதாக இருக்கும் என்று ஏர்பஸ் கூறியுள்ளது. இதன் மூலம் 30 முதல் 50 சதவீதம் வரை எரிபொருள் மிச்சமாகும் என்றும் விளக்கம் கொடுத்துள்ளது.

அடுத்த 3 நாட்களில் தமிழகத்தின் பெரும்பாலான மாவட்டங்களில் மழைக்கு வாய்ப்பு... Published : Jul 20, 2019 5:32 PM தமிழத்தின் கோவை, நீலகிரி மாவட்டங்களில் அடுத்த 24 மணி நேரத்தில் கனமழை பெய்யும் என்று சென்னை வானிலை ஆய்வு மையம் கூறியுள்ளது. இதுகுறித்து செய்தியாளர்களிடம் பேசிய அந்த மையத்தின் இயக்குநர் புவியரசன், கேரளாவில் தென்மேற்கு பருவமழை தீவிரமடைந்துள்ளதன் எதிரொலியாக கோவை, நீலகிரி மாவட்டங்களில் கன முதல் மிக கனமழை பெய்யக் கூடும் என்றார். இதே போன்று குமரி, நெல்லை, தேனி, திண்டுக்கல் ஆகிய 4 மாவட்டங்களிலும் பலத்த மழை பெய்யக்கூடும் என்ற அவர், அடுத்த மூன்று நாட்களுக்கு தமிழகத்தின் பல்வேறு மாவட்டங்களில் லேசானது முதல் மிதமானது வரையிலான மழைக்கு வாய்ப்பு உள்ளது என்றார். சென்னையை பொறுத்தவரை வானம் மேகமூட்டத்துடன் காணப்படும் என்றும், ஓரிரு இடங்களில் மழை பெய்யக்கூடும் என்றும் அவர் குறிப்பிட்டார். குமரிக் கடல், மாலத்தீவு, மன்னார் வளைகுடா, தெற்கு வங்க கடலில் சீற்றம் காணப்படுவதால் அங்கு அடுத்த 24 மணி நேரத்திற்கு மீனவர் செல்ல வேண்டாம் என்று புவியரசன் தெரிவித்தார். 

இந்திய பங்குச்சந்தைகளில் கடும் சரிவு Published : Jul 19, 2019 5:17 PM இந்திய பங்குச்சந்தைகள் இன்று கடும் சரிவைச் சந்தித்தன. இன்றைய வர்த்தக தொடக்கத்தில் ஏற்றம் காணப்பட்டபோதிலும், பகல்நேரத்தில் சரிவு ஏற்பட்டது. மும்பை பங்குச்சந்தை குறியீட்டெண் சென்செக்ஸ் வர்த்தக முடிவில், 560 புள்ளிகளை இழந்து 38ஆயிரத்து 337 புள்ளிகளில் நிலைகொண்டது. தேசிய பங்குச்சந்தை குறியீட்டெண் நிஃப்டி 117 புள்ளிகளை இழந்து 11 ஆயிரத்து 419 புள்ளிகளில் நிலைகொண்டது. வங்கி மற்றும் நிதி நிறுவன பங்குகளும், ஆட்டோமொபைல் பங்குகளும் சரிவைச் சந்தித்தன. அந்நிய நிறுவன முதலீட்டாளர்கள் ஆயிரத்து 405 கோடி ரூபாய் அளவுக்கு பங்குகளை விற்றுத்தள்ளியது சரிவுக்கு முக்கிய காரணமாக சொல்லப்படுகிறது.

தங்கம் விலை மீண்டும் உயர்வு Jul 19, 2019 கடந்த சில நாட்களாக குறைந்து வந்த தங்கத்தின் விலை மீண்டும் உயர்ந்து 27 ஆயிரம் ரூபாயை நெருங்கியுள்ளது. ஒரு சவரன் ஆபரணத்தங்கம் இன்று ஒரே நாளில் 248 ரூபாய் அதிகரித்துள்ளது. அதன்படி சென்னையில் ஆபரணத்தங்கம் ஒரு சவரன் 26 ஆயிரத்து 904 ரூபாய்க்கு விற்பனை செய்யப்படுகிறது. ஒரு கிராம் 31 ரூபாய் அதிகரித்து மூவாயிரத்து 363 ரூபாய்க்கு விற்பனையாகிறது. அதே போல் வெள்ளி விலையும் கிராமுக்கு 80 காசுகள் அதிகரித்துள்ளது. வெள்ளி ஒரு கிராம் 44 ரூபாய் 60 காசுகளுக்கு விற்பனை செய்யப்படுகிறது. பார் வெள்ளி ஒரு கிலோ 44 ஆயிரத்து 600 ரூபாய்க்கு விற்பனையாகிறது.

மனிதர்கள் இந்த முறை நிலவுக்குச் சென்று தங்க உள்ளனர் - நாசா Jul 19, 2019 நிலவுக்கு வீரர்களை அனுப்பி, அங்கு நீண்ட நாட்கள் தங்கச் செய்யும் வகையிலான திட்டத்தை முன்னெடுக்கும் நாசா, அதைக் குறிக்கும் வகையில் மனிதர்கள் இந்த முறை நிலவுக்குச் சென்று தங்க உள்ளனர் என ட்விட்டர் பதிவிட்டுள்ளது. ஆர்ட்டெமிஸ் என்ற விண்வெளித் திட்டத்தை நாசா முன்னெடுத்து வருகிறது. நிலவுக்கு முதல் பெண்ணை அனுப்புவது மற்றும் நிலவின் தென்துருவத்திற்கு வீரர்களை அனுப்புவது என்ற நோக்கத்துடன் இந்த திட்டம் முன்னெடுக்கப்படுகிறது. செவ்வாய்க்கு மனிதர்களை அனுப்புவது, அதற்கு நிலவை தளமாகப் பயன்படுத்துவது என்ற விரிவான திட்டத்தின் ஒரு பகுதியாகவும் இது செயல்படுத்தப்படுகிறது. அரை நூற்றாண்டுக்குப் பிறகு, நிலவுக்கு மனிதர்களை அணுப்பும் திட்டத்தை நாசா செயல்படுத்தும் நிலையில், ஆர்ட்டெமிஸ் திட்டத்தில் பணியாற்றும், விண்வெளி ஆடைகளை வடிவமைத்து தயாரிக்கும் விஞ்ஞானி லிண்ட்சே ஐட்சிசன் கேள்வி-பதில் அமர்வு குறித்து ட்விட்டரில் நாசா பதிவிட்டுள்ளது. அதில், "இந்த முறை நிலவுக்குச் செல்கிறோம், அங்கு தங்குவதற்காக" என்ற குறிப்புடன் பதி...

நிலவில் கால்பதித்து 50ஆண்டுகள் - டூடுள் வீடியோ வெளியிட்டு கொண்டாடிய கூகுள் Jul 19, 2019 மனிதன் நிலவில் கால்பதித்த 50-ம் ஆண்டு நிகழ்வை கொண்டாடும் வகையில் கூகுள் நிறுவனம் தனது முகப்புப் பக்கத்தில் டூடுள் வீடியோ வெளியிட்டுள்ளது. 1969-ம் ஆண்டு ஜூலை மாதம் நடந்த நிகழ்வுகளின் தொகுப்பைப் பசுமை மாறாமல் அப்படியே வெளிப்படுத்தும் வகையில் அனிமேசன் வீடியோ உருவாக்கப்பட்டுள்ளது. நாசாவின் அப்போலோ 11 மூலம் மனிதர்கள் நிலவுக்கு சென்று திரும்பிய காட்சிகள் அதில் இடம்பெற்றுள்ளன.

சுதந்திர தின உரைக்கு மக்களும் கருத்துக்களை பரிந்துரைக்கலாம் - மோடி Jul 19, 2019 சுதந்திர தின உரைக்கு மக்கள் தங்கள் கருத்துக்களைத் தெரியப்படுத்தலாம் என பிரதமர் மோடி கேட்டுக் கொண்டுள்ளார். 2-வது முறையாக பிரதமராக பதவி ஏற்றுள்ள மோடி, டெல்லி செங்கோட்டையில் சுதந்திர தின உரையை 6வது முறையாக நிகழ்த்த உள்ளார். அந்த உரையில 130 கோடி இந்தியர்களையும் பிரதிநிதித்துவம் செய்யும் வகையிலான பங்களிப்பும் இருக்க வேண்டும் என தாம் விரும்புவதாகவும் எனவே மக்கள் தனது சுதந்திர தின உரையில் இடம்பெற வேண்டிய அம்சங்களை நமோ ஆப்பில் பரிந்துரைக்கலாம் என்று கேட்டுக் கொண்டுள்ளார் மோடி.

ஏடிஎம் மையத்தில் நடைபெறும் மோசடியை தடுப்பது எப்படி? Published : Jul 19, 2019 8:12 AM வங்கி ஏடிஎம் மையத்தில் ஸ்கிம்மர் கருவி கொண்டு பல மோசடி நடப்பதால் அதனை தவிர்க்கும் பொருட்டு சென்னை பெருநகர காவல், மத்திய குற்றப்பிரிவின், வங்கி மோசடி தடுப்புப் பிரிவு உதவி ஆணையர் ஆரோக்கிய ரவீந்திரன் விழிப்புணர்வு வீடியோ வெளியிட்டுள்ளார். சென்னை காவல்துறை ஆணையர் ஏகே விஸ்வநாதன் உத்தரவின் பேரில் இந்த நடவடிக்கை எடுக்கப்பட்டுள்ளது.